13-maiatza-2020
Basque Team, umeek erakutsitako esfortzuarekin BAT. Oso gutxi falta zaigu, eutsi!
Haurrak eredu izan dira eta izaten ari dira covid-19aren pandemiak ekarritako konfinamendu honetan. Eurengandik asko ikasi dugu eta esparru diferenteak uztartzea erraza izan ez arren, haiek jarritako harri koskorra azpimarratu nahi du Basque Teamek. Denok batera helmugara iristeko oso gutxi falta zaigu, ez etsi!
Esker bereziak Kako Aramburu tiratzaileari, Asier Garcia gurpil aulkiko saskibaloi jokalariari, Barbara Pla errugbi jokalariari, Iraitz Arrospide atletari, Maialen Chourraut eta Samuel Hernanz piraguistei, Naiara Gomez eta Maider Unda enbaxadoreei eta euren seme-alabei bideo honen grabaketan parte hartzeagatik.
