Emakumezkoetan arraunketa olinpikoak bizi duen unea nabarmentzen da 'BAT To Tokio' saioaren bosgarren atalean
07-maiatza-2021

Emakumezkoetan arraunketa olinpikoak bizi duen unea nabarmentzen da 'BAT To Tokio' saioaren bosgarren atalean

Dokumental saila osatzen duten 10 atalak igande goizetan emititzen dira ETB 1eko ‘Helmuga’ programan

Akhonmedia ekoiztetxeak Basque Team Fundazioarentzat egindako saioak euskal arraunketa olinpikoa du ardatz aste honetan, gaur egun modalitate honetan aipagarriak diren emakumeen istorioetan sakonduz. ‘Diziplinak erakusten du bidea’ izenburua duen atala maiatzaren 9an izango da ikusgai, 11:30ean, ETB 1eko ‘Helmuga’ saioan. Ondoren, atal guztiak ikusi ahal izango dira (euskaraz eta gaztelaniaz) Basque Team Fundazioaren youtubeko kanalean.

Kapituluak Virginia Díaz hartzen du ardatz edo gidaritzat. Basque Teamek bekatutako kirolaria hiru aldiz jarraian igo da Europako txapelketako podiumera, 2019an irabazi zuen txapelketa hori, eta dagoeneko poltsikoan du Tokioko Jokoetako W2-an lehiatzeko txartela. Virginiak, Aina Cidekin batera, Linz-Ottensheimen 2019an jokatu zen Munduko Txapelketan lortu zuen sailkapena.

Bera da saioan agertzen diren beste bi arraunlarien erreferentzia: Ondiz Lekubarri eta Aitzpea Gonzalez. Ondizek ezin izan du, oraingoan, nahi zuen bezala, txartel olinpikoagatik borrokatu lesio baten ondorioz. Aitzpeak, bere aldetik, lanean jarraitzen du xedea erdiesteko. Hiru kirolariek badakite batzuetan helburuak lortzen dituztela eta beste batzuetan ez, baina, edonola ere, badakite diziplinak beti markatu behar duela bidea.

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago