Irati Idiakezek bi zilar lortuta bukatu du Lillehammerreko Munduko txapelketa
21-urtarrila-2022

Irati Idiakezek bi zilar lortuta bukatu du Lillehammerreko Munduko txapelketa

Basque Teameko bikaintasun proiektuko kideak bigarren metal preziatuena eraman zuen banked slalom proban eta gaur snowboardcrossean emaitza errepikatu du

Irati Idiakezek, Kirol Egokituaren Euskal Federazioak eta Basque Team Fundazioak abian jarritako bikaintasun-proiektuaren kideak, bere arrastoa utzi du gaur berriro Hafjell mendialdean. Gipuzkoarra bigarrenez igo da podiumeko bigarren tiraderara Norvegiako Lillehammer hirian jokatzen ari den Elurrezko Kiroletarako Munduko Txapelketan.

Gaur borroka gogorra izan du Monika Kotzianirekin, baina azkenean SB-UL (desgaitasuna goiko gorputz-adarretan) kategorian poloniarrak gainditu du , bi snowboarder izan dituen lehian.

Joan den ostiralean, 25 urteko Getariako kirolariak erakutsi zuen bere anbizioa eta progresioa SB-UL klasean podiumeko bigarren tokira igotzeko banked slalom diziplinan (kurba elkarlotuak, dubbiak eta peralteak dituen trazadura zorrotz batean zehar ateak saihestu behar dituzte). Finalean erorikoa izan zuen, baina bigarren izateko proba osatu ahal izan zuen, Monika Aleksandra Kotzian poloniarrak bakarrik gainditu zuelarik.

Iratik zirkulazio-istripua izan zuen Txilen duela bost urte, eta eskuineko besoan anputazio bat izan zuen. Orduan eman zituen lehen urratsak snowboardean. Denboraldi pare bat besterik ez darama bere taularekin irristatzen eta bere potentziala zein izan daitekeen erakusten hasi da. Norvegiako Lillehammer hiriko Munduko Txapelketan lortutako zilarrezko bi dominekin Irati Idiakezek hurrengo hitzordu handietarako hautagaia izan daitekeela baieztatu du. Manel Maestre entrenatzaileak gidatuta Arango Haraneko Neguko Kirol Egokituaren Zentroan (CDIA), Basque Teamek eta Kirol Egokituaren Euskal Federazioak bultzatutako bikaintasun proiektuak finantzatuta, Idiakezek bere errendimendu ona baieztatu du hitzordu honetan. Irati bigarren rider da estatu mailan munduko txapelketa batean domina lortzen, Astrid Fina kataluniarrak 2019ko Pyhän (Finlandia) brontzea lortu ondoren.

Munduko txapelketako dominez gain, Iratik hiru metal pilatu ditu denboraldi honetan Munduko Kopan: zilarra Landgraafen (Holanda) eta Pyhän (Finlandia), eta urrea Hochfügenen (Austria).

Honekin lotutako berriak

08-urria-2026

Basque Teameko Naia Laso skaterrak finalerdietarako txartela lortu du Asunciongo Munduko Txapelketan

Informazio gehiago
22-uztaila-2026

Kayakeko patruilen proban emakumeak zazpigarren izan dira eta gizonak hamahirugarren Oklahomako Munduko Txapelketan

Informazio gehiago
14-uztaila-2026

Basque Teamek 81 kirolari bekatuko ditu 2026an

Informazio gehiago
16-ekaina-2026

Larru berria, amets bera: Basque Teamek ekipamendu berria aurkeztu du LA28ko ziklorako

Informazio gehiago
18-maiatza-2026

ZORU PELBIKOA: Aktibazioa eta erlaxazioa

Informazio gehiago
12-maiatza-2026

ZIKLO MENSTRUALA: Beharrezkoa osasunerako eta errendimendurako

Informazio gehiago