Maialen Oiartzabal freeski edo estilo libreko eskiatzailea du ardatz kapitulu honek. Maialen eski akrobatikoan aritzen den euskal kirolari bakarretakoa da, neguko kirolen barruan kasu bitxia. 12 urterekin eman zituen lehen urratsak freeskian, eta adrenalinak erabat erakarri zuen, hainbat aldiz Espainiako txapeldun izateraino, eta Europako Kopan eta Munduko Kopan estreinatzeraino. Joko hauetarako sailkapena ezinezkoa izan da, baina oraindik animoz eta indarrez ikusten du bere burua beste ziklo olinpiko bati aurre egiteko.
