Iñigo Llopisek zilarrezko bigarren domina lortu du Madeirako Munduko Txapelketan, estiloetako 4x100 metroko proba mistoan

Iñigo Llopis Basque Teameko bekaduna  podiumeko bigarren tokira igo da berriro Madeiran jokatzen ari diren igeriketa egokituko Munduko Txapelketan. Gaurkoa munduko txapelketetan gipuzkoarrak lortutako hirugarren domina da.

Gaur goizean Llopisek lehiatzen zuen konbinatuak denborarik onena egin du goizeko lehen sailkapen seriean, 4:36.27, Australiak, bigarren seriean, bakarrik gainditu duena.

Gaurko jardunaldian Munduko bost errekor eta Europako bi hautsi dira Portugalgo hirian, azken aldian igeriketa egokituak izan duen garapen bizkorraren adierazle.

Estiloetako 4×100 metro errelebo-probaren finalak ere ez du hutsik egin, emozioz beteta egon baita azken unera arte. Proba bitxi samarra da, mistoa delako eta  desgaitasun-kategoria desberdinak dituelako lehian.

Finalean Iñigo Llopisek ekin dio probari, lehena izan da, urpeko zati ikaragarria eginda, eta 1:07.16ko markarekin zilarra eman zion bizkar estiloko 100 metroetako finalekoan egindakoa hobetuta. Espainiako selekzioak laugarren postuari eutsi dio Sarai Gasconek azken erreleboan lasterketa lehertu eta domina postuetan kokatu den arte, lehenengo brontzea lortzeko moduan jartzeko eta azkenik bigarrenera pasatzeko. Australiak 4:29.86ko denborarekin irabazi du urrea, Espainiak zilarrezko domina +2.10eko aldearekin eta Holandak brontzezkoa, 4.93koarekin.

Gaurkoa donostiarrak Funchaleko Munduko Txapelketa honetan lortutako bigarren domina izan da. Zilar bat irabazi zuen bizkar estiloko 100 metrokoan, eta gaur berriro erakutsi du Funchaleko hiriburuan, Madeiran, Penteada igeriketako Olinpiar Gunean, bere proba faboritoa dela.

Donostiarrak zilarrezko domina lortu zuen bizkar estiloko 100 metroetan Tokioko Joko Paralinpikoetan, brontzea Londresko Munduko Txapelketan 2019an, zilarra Dublinen egindako 2018ko Europako Txapelketan eta urrea Funchalen jokatutako azken Europako txapelketan, 2021ean, Paralinpiar Jokoen aurretik.