HEMEN DITUGU JOKOAK!
Gaur hasiko dira Milan-Cortina d’Ampezzoko Neguko Jokoak, eta Basque Teameko bekadunak diren hiru kirolarik Euskadi ordezkatuko dute nazioarteko lehiaketa nagusian.
Haien presentzia edo parte-hartzea harro egoteko arrazoia da, eta urteetako ahalegina, iraunkortasuna eta konpromisoa islatzen ditu. Baina aldi berean une hau aprobetxatu nahi dugu ziklo olinpiko honetan buru-belarri aritu izan diren kirolari guztien lana aitortu eta eskertzeko ere, azken unera arte entrenatu, lehiatu eta borrokatu baitira txartel olinpikoa lortzeko, nahiz eta azkenean ezin izan duten eskuratu.
Ahalegin bakoitza, sakrifizio bakoitza eta bide horretan emandako pauso bakoitza funtsezkoa izan da taldearen eta euskal kirolaren hazkunderako. Egindako lanaren balioa azken emaitzatik askoz harago doa, eta talde-ahalegin hori da Joko hauek eta datozen erronkak eraikitzeko oinarria.
Zorte on guztioi, elurrean eta izotzean, eta handik kanpoko desafioetan ere.
Berriro gogoratu nahi dugu: “Etxekoek egiten gaituzte handi” ❄️💙
