Miren Lazkano eta Klara Olazabal Basque Teameko palistak finalerdietara pasa dira Lee Valleyko eslalom piraguismoko Munduko Txapelketan

Miren Lazkanok eta Klara Olazabalek finalerdietarako txartela lortu dute Ingalaterrako Lee Valley kanalean jokatzen ari den ur bizietako Munduko txapelketan. Biek egin dute, gainera, lehen jaitsieran, bigarren jaitsiera bat jokatu behar izan gabe.

Munduko txapelketako lehiaketa banakako lehiaketan zentratu da gaur, atzo jokatutako patruilak edo taldekako lehiaketak atzean utzita. Gaur kanoen txanda izan da eta bertan bi euskal ordezkari izan ditugu, Miren Lazkano eta Klara Olazabal, euren bakarkako ibilbidea minutu bateko aldearekin hasi dutenak. 11:03a irteera hartu du Kalarak eta 11:04an Mirenek.

Biek oso jaitsiera onak egin dituzte, eta berehala bereganatu dute txartela, lehiakideen jardunaren zain egon beharrik gabe. Gaur txartel zuzenak garesti egon dira; Jessica Fox australiarrak, adibidez, ezin izan du zuzenean sailkatzen ziren lehen 20en artean sartu.

Miren Lazkanok seigarren amaitu du, 98.51ko denborarekin (+3.40) eta 23. atean zigorra jasota. Klara Olazabalek, bere aldetik, bederatzigarren postuan bukatu du, 99.12ko markarekin (+4.01), lehen atean ukitu bat eginda.

Bihar kayaken txanda izango da. Olatz Arregui 10:32an lehiatuko da, Maialen Chourraut 11:06an eta Pau Echaniz 12: 36an (Euskadiko orduak).