Higinio Rivero Basque Teameko piraguista podiumeko hirugarren tokira igo da egunotan Montemor O’Velhon (Portugal) jokatzen ari diren Europako Parakanoe Txapelketan.
Higinio VL2-200 metroko proban hirugarren postuan helmugaratu da, 55.692 (+0.407) denborarekin, Robert Suba hungariarraren (55.285) eta Norberto Mourao portugaldarraren (55.615) atzetik. Hirurek hartu dituzte lehen hiru postuak, Andrii Kryvchun ukrainarrarengandik, Tamas Juhasz hungariarrarengandik, Marius Ciustea italiarrarengandik, Anas Al Khalifa alemaniarrarengandik, Antonio Gómez espainiarrarengandik eta Floriano Jesus portugaldarrarengandik urrun samar.
Higinio Rivero Europako txapelketako podiumera igo da hirugarrenez jarraian. 2021ean zilarra lortu zuen Poznanen (Polonia), 2022an metal bera eskuratu zuen Munichen (Alemania) eta gaur brontzea zintzilikatu du.
