Iñigo Llopisek urrezko domina jantzi du Irlandako hiriburuan jokatzen ari diren igeriketa egokituko Europako txpelketan, estilo libreko 400 metrokoan. Gipuzkoarra buru jarri da hasieratik S8 kategoriako lasterketan, eta partzial bakoitzean lehiakideekiko aldea handitu du. Azkenean, 4:40.78ko denborarekin erraz nagusitu zaio bigarren sailkatuari, 19.19ra heldu den Cioele Ciampricotti italiarrari. Joshua Grob suitzarrak eraman du brontzea.
Iñigo Llopisek Europako txapelketa honetan irabazitako bigarren domina izan da gaurkoa, atzo brontzezkoa irabazi baitzuen estilo libreko 4×100 metrokoan, Jose Antonio Mari, Ariel Schrenck eta Sergio Martosekin batera. Laukoteak 4:00.75ean geratu zuen kronoa errelebuko proban.
