Iraupeneko eskiatzaile onenak biltzen dituen proban nagusitu da Imanol Rojo asteburu honetan.
Igandean, otsailaren 7an, jokatu zen 42 kilometroko distantzia luzeko estilo klasikoko lasterketan Imanolek garaipena erdietsi zuen 2 ordu eta 25 minutuko denbora eginda. Askotan Araneko bailaran entrenatzen du Imanolek eta ondo ezagutzen du lekua. Agian horrek ere lagundu zion larunbateko 30km skating proba irabazten. Distantzia luzeko bi probetan (30 kilometrokoa eta 42 kilometrokoa) denborarik onena lortzeak Eski maratoien Europako Txapelketa eman dio Imanoli. Europako Txapelketa Eskiko Nazioarteko Federazioaren egutegiaren eta Euroloppet (distantzia luzeko ibilaldien Europako zirkuitoa).
“Oso pozik nago. Marxa Beret bigarrenez irabazi dut baina aurten berezia da, lehen aldiz irabazi dudalako Europako Txapelketa. Lasterketa uste baino hobeto joan da. Bakarrik ihes egin dut eta baldintzak azkenean ez diran hain txarrak izan”, adierazi zuen Rojok bukaeran. Orain Munduko Kopa du helburu.
