29-maiatza-2017
Gurutze Fradesek laugarren postua lortu du Florianópoliseko triatloian, Brasilen, eta ia ziurtatu du horrela Konarako txartela
Gurutze Frades 15. postuan irten zen uretatik, aurrealdeko taldearengandik 6 minutura jarriz, Elisabeth Gruber edo Kristin Moeler lagun zituela.
Ohi bezala, Basque Teameko triatletak gogor ekin zion 180 kilometroko bizikletako tarteari eta baldintza klimatologikoak egokienak ez baziren ere, aurrera egin zuen apurka-apurka. Tarte hori 4:53:20ko denborarekin bukatu zuen, kategoriako hirugarren denbora partzial onena. Horri esker oinezko zatia bosgarren postuan hasi zuen.
Korrikan Guruk oso hasiera ona izan zuen eta une batzuetan hirugarren tokian ere jarri zen lasterketan baina azkenean oso positiboa den laugarren postu batekin konformatu behar izan zuen, Hawaiko Konako proba handirako txartela ia-ia ziurtatuta.
