Elkarrizketa Ariane Ochoari Miyazakiko Munduko txapelketako lehen bi errondak jokatu eta gero

Nadia Erostarbek eta Ariane Ochoak World Surfing Gamesetako bigarren aukera jokatu beharko dute ezin izan dutelako bigarren erronda gainditu.  Lehenengo errondan txandako lehiakideak baino askoz hobeak izan dira eta txandako lehenak izanda pasa dira hurrengo fasera. Bigarren errondan, berriz, zailtasun gehiago izan dituzte. Ariane ez da fin ibili olatuen aukeraketan, olatuen eskaintza aberatsa izan ez den arren. Nadiak, bestalde, oso eroso surfeatu du baina oso txanda zaila izan du Stephanie Gilmore (AUS), Eva Woodland (CRC) eta Anali Gomez (PER) surflari handien kontra. Biek bihar jokatuko dute bigarren aukera.

Leticiak gaur izan du errepeska. Sopelakoak lehen erronda arazo barik pasatu du eta nahiz eta bigarrenean txandaren bukaeran oso olatu ona surfeatu, ez dio aukerarik eman hirugarrenera zuzenean igarotzeko. Arratsaldean jokatutako errepeskan, aldiz, onena izan da eta horri esker aurrera jarraitzen du txapelketan.