Joan Crespo dominetatik gertu, Chourraut eta Elosegi berriz mundialeko finaletatik at
(2010/09/13) kanalaren egoera zailak erabat baldintzatu du txapelketa
Aurreko egunetan zenbait aldaketa eragin zituten eguraldiak, jausitako euriteek kontu handiarekin ibiltzea eskatzen zien piraguistei. Asteburuan zehar sorpresa nabarmenak izan dira faboritoen artean eta hauetariko asko geratu dira finalera iritsi ezinda. Horietako bat Maialen Chourraut gipuzkoarra K-1-ean. Munduko ranking-ean hirugarre sailkatua izan arren arazoak izan zituen finalerdian eta egindako akats baten ondorioz 16. postuan amaitu zuen bere lana. Bestalde, eta maila berean, emaitza bikaina lortu zuen Jone Otaño gazteak, orain arteko emaitzarik aipagarriena lortuz eta etorkizunerako kontutan izan beharreko piraguista dela erakutsiz. Beste faboritoetako bat euskaldunen artean, Ander Elosegi irundarra, finaletatik kanpo geratu zen C-1ean bi segunduko zigorra jaso eta gero 14. postuan amaituz.
Albiste pozgarria eman zuen Joan Crespok K-1-ean. Piraguista gazteak bigarren txanda bikaina burutu zuen eta gutxitaik ez zen podiumera igo, jasotako zigorrak bi segundu atzerapena eragin zion eta ondorioz dominetatik kanpo geratu zen. Xabier Etxanizek zuzentzen duen taldean Jordi Domenjo kataluniarra izan zen domina lortu zuen bakarra, C-1ean Estanguet eta Martikan izarren atzetik amaitu zuen lan bikaina burutz.
