Elkarrizketa Nadia Erostarberi Miyazakiko Mundialean errepeskako zazpigarren errondara iritsi ondoren

Miyazakiko World Gamesetako gaurko jardunaldian gure surflariek egun luze eta gogorra izan dute. Atzo lehia nagusitik kanporatu zituztenez, gaur aldi berean egin diren bigarren aukerako erronda guztiak jokatu behar izan dituzte. Denek euren onena eman dute. Erronda batzuetan euren surf onena erakutsi ahal izan dute eta beste batzuetan epaileen erabakiaren zain egon dira azken unera arte aurrera egiten zuten ala ez jakiteko.

Ariane Ochoa bigarren aukerako laugarren errondaraino heldu da; horretan akatsa egin du olatuen tartea aukeratzeko lekuan eta Munduko txapelketatik at geratu da. Leticia Canales eta Nadia Erostarbe bigarren aukerako zazpigarren errondaraino iritsi dira. Elkarren kontra aritu dira txanda horretan baina Nikki van Dijk eta Sally Fitzgibbons australiarrak nagusitu zaizkie.

Banakako txapelketan kanporatuak izan arren, Aloha Cupeko taldekako lehia dute oraindik aurretik.