Alvaro Romero, Basque Teameko snowboarderra, bere lehen Joko Olinpikoetarako sailkatu da
Álvaro Romero
Gaur Dongbeiyanen (Txina) jokatu den Munduko Kopan, rider donostiarrak puntuak lortu ditu zerrendan igotzeko eta Milan-Cortina d’Ampezzoko hitzordu handirako txartela lortzeko
Basque Team Fundazioaren beka duen Alvaro Romero Milan-Cortina d ‘Ampezzoko Neguko Olinpiar Jokoetan lehiatuko da otsailaren 6an. Rider donostiarrak hainbeste esperotako pase olinpikoa lortu du Munduko Kopako rankingean beharrezko posizioetara igo eta 35eko mozketa gainditu ondoren. Honi esker debuta egingo du maila absolutuko Joko batzuetan.
“Lau urte oso gogorren ondoren, gaur esan dezaket hilabete barru nire lehen Olinpiar Jokoetan izango naizela. Dibertimenduz soilik eskiatzen hasi zen haur hori Munduko gizonik zoriontsuena da gaur” adierazi du Romerok bere sare sozialetan albistea baieztatu denean.
Sailkapena lortu du asteburu honetan Dongbeiyan (Txina) jokatutako bigarren Munduko Kopan 21. postuan bukatu ondoren, final-zortzirenetako kanporaketan erorita. Lucas Eguibar, bere aldetik, ez da lehiatu gaurko lasterketan, atsedena hartu behar izan duelako atzo izandako erorikoaren ondorioz. Hala ere, berak bere laugarren Jokoetarako txartela ziurtatuta zuen jada.
Milan-Cortinakoa emozioz beteriko ziklo zaila izan da Alvarorentzat. Gogoratu behar da ziklo honetan bere lehen podiuma lortu duela Munduko Kopan, junior mailako Munduko Txapelketan urrea bereganatu zuela eta pubiseko haustura bat sufritu zuelasailkapen olinpikoko denboraldian, lasterketen erdiak galtzera eraman zuena, Engading-St. Moritzeko iazko Munduko txapelketa barne.
Sailkapen nagusiko 32. postuarekin Romerok Lucas Eguibarrekin batera Milanen jokatuko duela ziurtatu du. Biek sailkatze txanda eta lasterketa handia jokatuko dituzte, aukeratuen artean sartuz gero, otsailaren 12an Livignoko egoitzan. Alvarok brontzea lortu zuen 2000. urtean Lausanan ospatutako Gazteriaren Jokoetan.
