Nadia Erostarbe

Bio

Nadia surflarien familiatik dator. Euren gomendioak entzuten ditu, eurak dira bere sostengua, eurekin bidaiatzen du eta eurek irakatsi zioten, hiru urterekin, bere ogibide bihurtu den kirola. Senitarteko guztiek surfeatzen dute: aitak, amak, ahizpak, osabak… Hiru urterekin jarri zen taula baten gainean eta ordutik ez da geratu.

Nadiak hasieratik etorkizun oparoa izango zuela erakutsi zuen arren, 2018a berezia izan zen. Bere ibilbidean jauzi handia eman zuen Munduko txapelketa jokatu zuenean, taharakoa. Proba handia zen, handiekin neurtu behar zituen indarrak eta seigarren postuan amaitu zuen. Hori hasiera besterik ez zen izan. Gainera Aloha Cup-ean urrea irabazi zuen taldearen partaide izan zen.

2019an Senegalen eta Txilen lortu zituen garaipenek baieztatu egin dute Munduko txapelketan ikusi zena. Ondoren, Miyazakiko Munduko txapelketan, onena izan zen berriro banakako lehian, 12. postuan bukatuta.

Orain dela bi urte bajoia izan zuen Australiako surfa etxeko ikasketekin uztartu behar izan zuenean. “Australiara joan etorriak egiten nituen klaseetara joateko. Batzuetan hegazkina hartzen nuen azterketa bat egiteko eta jarraian Australiara itzultzen nintzen. Estresagarria zen” gogoratzen du.

Orain ikasketak apur bat alboratu ditu baina denboraldi honen ondoren berrartuko ditu, surfeatzeaz gain, elikadurarekin lotutako ikasketak egin nahi dituelako. Gaur egun buru belarri lanean ari da Tokioko Jokoetarako sailkapena poltsikoratzeko.