Bio
Iñigo Llopis kasualitatez iritsi zen igeriketara. Txikitan hainbat kirol egin zituen, hala nola, eskubaloia, saskibaloia eta futbola, eta femurreko lesio bat, azken kirol horretan zebilela, funtsezkoa izan zen igerilekura salto egiteko. S8 kategorian lehiatzen da uretan.
Ibilbidea hasi zuenetik, Llopisek ez dio uger egiteari utzi. Bere lehen dominak Espainiako txapelketetan lortu zituen, eta horrek txinparta piztu zuen diziplina honetan sakontzeko. Horrela eman zituen bere lehen urratsak, estatuko eta Europako txapelketetan garaipen eta postu onak lortuz.
Bere lehen lorpen handia 2016an erdietsi zuen. Madeiran (Portugal) jokatutako Europako Txapelketan ondo aritu ondoren, Rio 2016rako txartela lortzeko ehunen gutxi falta izan zitzaizkion, baina Errusiari jarritako zigorrak bere lehen Joko Paralinpikoetako atea ireki zion. Rio de Janeiron 100 eta 50 metro libreko probak jokatu zituen, baita 200 metro estilokoak ere.
2018. urtea ere oso ona izan zen Llopisentzat. Igerilariak Europako txapelketa bikaina egin zuen Dublinen (Irlanda), 400 metro libreko proban urrea lortuz. Halaber, bigarren postua lortu zuen 100 metro libre eta estiloetan, baita 4×100 estiloetan ere. Hirugarren izan zen 4×100 libreetan. Urtebete beranduago, Londresen (Ingalaterra) jokatutako txapelketan, brontzezko domina lortu zuen 100 metroko bizkar estiloan.
Llopisek bikain hasi du 2020a. Urtarrilaren amaieran 200 metroko munduko errekorra ezarri zuen Madrilen, eta 100 metroko bizkar erako Espainiako errekorra gainditu zuen Mallorcan. Bertan gutxieneko marka egin eta Tokioko Paralinpiar Jokoetarako txartela poltsikoratu zuen.
Palmaresa
abuztua
2023 Igeriketa
Iñigo Llopisek bere bigarren urrea lortu du Manchesterreko Munduko txapelketan, oraingoan estiloetako 4×100 metrokoan
Basque Teameko igerilariaren laukoteak Europako errekorra hautsi du 4:31.92 denbora eginda Iñigo Llopisek pausoak ematen jarraitzen du Manchesterreko igeriketa egokituko Munduko Txapelketan bere altxorren bila. Donostiarrak metal preziatuena bigarren aldiz bereganatu du. Bizkarreko 100 metroko finalean egin zuen lehenego, eta estiloetako 4×100 metrokoan, 34 puntukoan berriz egin du gaur. Hain zuzen ere, Basque Teameko kirolaria […]
abuztua
2023 Igeriketa
Iñigo Llopis Basque Teameko igerilariak urrea lortu du bizkar erako 100 metrokoan, Manchesterreko Munduko txapelketan
Gainera, Pariseko Jokoetarako plaza eskuratu du, baina oraindik ez modu nominalean Iñigo Llopisek aise bete du Manchesterren jokatzen ari diren igeriketa egokituko Munduko txapelketara buruan eramandako helburua. Donostiarra dominaren bat eskuratzeko borrokatu nahi zen bere proba gogokoenean, bizkar estiloko 100 metrokoan, eta oraingoan podiumeko lehen postua eskuratu du. Llopisek “ilusio handiarekin eta entrenamenduetan izandako sentsazio onekin” […]
ekaina
2022 Igeriketa
“Hobeto sentitzen naiz, konfiantza gehiagorekin, eta lehiatzen naizen guztietan nire onena ematen dut”
Iñigo Llopis Basque Teameko igerilaria nazioartean erreferente sentitzen da Madeirako Munduko Txapelketan bere palmaresari beste hiru domina gehitu ondoren Tokioko Jokoetan zilarrezko domina bat eskuratzean, Iñigo Llopisek argi utzi zuen hurrengo urteetarako kontuan hartu beharreko kirolarietako bat izango zela, baina berriro erakutsi du hilabete honetan Madeiran jokatu den igeriketa egokituko Munduko Txapelketan, zilarra irabazi baitu […]
ekaina
2022 Igeriketa
Iñigo Llopisek zilarrezko bigarren domina lortu du Madeirako Munduko Txapelketan, estiloetako 4×100 metroko proba mistoan
Iñigo Llopis Basque Teameko bekaduna podiumeko bigarren tokira igo da berriro Madeiran jokatzen ari diren igeriketa egokituko Munduko Txapelketan. Gaurkoa munduko txapelketetan gipuzkoarrak lortutako hirugarren domina da. Gaur goizean Llopisek lehiatzen zuen konbinatuak denborarik onena egin du goizeko lehen sailkapen seriean, 4:36.27, Australiak, bigarren seriean, bakarrik gainditu duena. Gaurko jardunaldian Munduko bost errekor eta Europako […]
ekaina
2022 Igeriketa
Zilarra Iñigo Llopisentzat bizkar erako 100 metrokoan igeriketako Munduko Txapelketan
Iñigo Llopis Basque Teameko beka duen igerilariaren orain arteko ibilbideak iragarri du jada. Bizkar estiloko 100 metroek osatzen dute bere proba fetitxea, donostiarraren gustukoena, eta gaur berriro erakutsi du Funchal hiriburuan, Madeiran, Penteadako Igeriketa Gune Olinpikoan. Gaur goizean bere sailkapen-serieko lehena izan da, goizeko saioetako bigarren denborarik onena eginez bizkar erako 100 metrokoan, S8 kategorian: […]
iraila
2021 Igeriketa
Bingen Zupiriak Iñigo Llopis zoriondu du Basque Teameko igerilariak Tokion lortutako zilarrezko domina eta hiru diplomengatik
Basque Teameko Iñigo Llopis igerilariak, zilarrezko domina bat eta hiru diploma eskuratu ditu Tokioko Paralinpiar Jokoetan eta etxera itzulita, Donostian Kultura eta Hizkuntza Politikako sailburu Bingen Zupiriarekin batera agerraldia egin du. Zupiria sailburuak Tokion izandako parte hartze oparoagatik zoriondu du Llopis eta kirolari paralinpikoen parte hartzea azpimarratu nahi izan du. Izan ere, guztira domina bat […]