Bizilekua Madril
Jaiotza 1996-04-16
Kirola Judoa
Bio
Jose Mari Mendiola umetan hasi zen judoa praktikatzen. Oso mugitua zen eta energia zerbaitetan erabili behar zuen. Judoa aukera ona zela iruditu zitzaien. 4 urterekin hasi zen judoan anai-arrebek bultzatuta, eta apurka-apurka, hazi ahala, diziplina honetako txapelketak asko gustatzen zitzaizkiola konturatu zen. Orduan futbola uztea erabaki zuen.
18 urterekin, hartutako bidea egokia zela ikusita, beste pauso bate matea erabaki zuen eta Madrilgo Goi Errendimentuko Zentrora aldatu zen judoaren aldeko erabateko apustua eginda.
Hala ere, profesionalki prestatzen jarraitu du eta maila ertaineko Farmazia Laguntzaile graduaz gain, goi mailako gradua egin du: Gizarte eta Kirol Animazioa eta Irakaskuntza.
Kirol mailan azpimarratu behar da 23 urterekin 4 aldiz izan dela Espainiako txapeldun, bi zilar lortu dituela eta lau brontze. Horrez gain, hainbat parte-hartze ditu Europa eta Mundu mailako txapelketetan. 2019ko maiatzean Oremburgeko Europako Kopan dominetatik oso gertu geratu zen, bosgarren bukatuta. Gainera zazpigarren amaitu zuen 2018ko Cancuneko Sari Nagusian eta bosgarren urte berean jokatutako Madrilgo Europako Irekian. 2020an zilarrezko domina irabazi du Europako Irekian.
Palmaresa
maiatza
2023 Judoa
Jose Mari Mendiola Basque Teameko judokak bosgarren amaitu du Austriako Grand Prix Upper-ean
Jose Mari Mendiola podiumaren atarian geratu da Linzen jokatu den Austriako Grand Prix Upper txapelketan, 81 kiloko kategorian Zaur Dvalashvili georgiarraren aurka galdu ondoren. Mendiola azken unera arte borrokatu zen, baina porrota borrokaldia amaitzeko bi segundo falta zirenean iritsi zitzaion. Basque Team Fundazioaren beka duen kirolaria ezustean harrapatu zuen georgiarrak, eta garaipena eta brontzezko domina […]