Oihane Otaegi

Bio

Oihane 28 urterekin hasi zen Txuri Berrin, patinaje artistikoaren sailean. Klubeko kide batzuek probatu zuten orduan curlingaren modalitate bitxi hori. Hartaz nekatu zirenean, ez zuten itzuli hura praktikatu ahal izateko mailegatu zieten materiala. Horrela, Oihanek bere ahizpa Leire eta lagun batekin batera erabiltzea erabaki zuen. Handik gutxira Mikel, Oihaneren bikotekidea, batu zitzaien.

Euskadin eman zituzten denek lehen urratsak. Baina argi izan zuten berehala liluratu zituen kirol batean aritu nahi zutela. Mikel izan zen arriskatu zen lehena. “2012an une zaila bizi izan nuen lanean. Familia dut Vancouverren eta curling-ari buruz gehiago ikasteko aukera bezala ikusi nuen” kontatzen du. Harantza joan zen. Hainbeste gustatu zitzaion bi urte geroago errepikatu zuela esperientzia. Bitartean, Oihane, Leire eta Sergio bideak bilatu zituzten estatu mailan, aurrera egiten jarraitzeko. Melanie Robillard, Antonio de Molinero edo clinic batean ezagutu zuten Royd Harris txapeldunorde olinpikoen bultzada izan zuten. “Lehiaketetara joan eta jendearekin harremanak izatearen ondorioz, hazteko zerbait aurkitu ahal izan dugu beti. Mundu honetan jendeak lagundu egiten du” eskertzen du Oihanek.

Bere modalitatea era serioan praktikatzen hasi ziren. Espainian pista espezifikorik ez zegoenez, Donostiako eta Jacako izotz hockey eta patinaje pistetan irudimena erabiltzen zuten.

2018ko urriaren 21ean, Txuri-Berri Curling Klubaren taldea, Oihane eta Leire Otaegik, Sergio Vezek eta Mikel Unanuek osatua, txapeldunorde izan zen taldekako Munduko Txapelketa Mistoan, finalean Kanadako anfitrioiaren aurka galduta.

2020an, Oihane Otaegi eta Mikel Unanue Espainiako curlingeko txapeldun izan ziren Jacan, bikote mistoen kategorian, urtebete lehenago lortutako titulua berretsiz. Arrakasta horrek, gainera, Kanadako Kelowna herrian apirilaren 17tik 25era jokatu behar zen modalitateko Munduko Txapelketarako sailkatzea ahalbidetu zien. Han hasi behar zuten Beijingo 2022ko Neguko Olinpiar Jokoetarako puntuak lortzen. 20 bikotek parte hartzen dute eta Mikelen eta Oihaneren erronka lehen mailan jarraitzea da, 2021eko Munduko Txapelketa berriro jokatzeko -horretarako, 2021eko Espainiako Txapelketa ere irabazi beharko lukete- eta Jokoetarako puntuak lortzen jarraitzea, hori baita euren ametsa.