basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Judoa 06
ekaina
2024

‘BAT To Paris’ saioaren seigarren atalak Jose Mari Mendiola judoka du ardatz

Dokumental saila osatzen duten 10 atalak igande goizetan eskaintzen dira ETB1eko ‘Helmuga’ programan (11:30)

Aste honetan, Basque Team Fundazioak ekoiztutako ‘BAT To Paris’ dokumental sailak Jose Mari Mendiola judokaren istorioa kontatzen du ‘Amets bati lotuta’ izeneko atalean.

Errespetua. Hori da Jose Mari Mendiolak berarentzat judoa zer den deskribatzen saiatzean esaten duen berbetako bat. Bost urterekin hasi zen jarduera hori egiten, eta dagoeneko 20 urte daramatza, horietako batzuk goi mailan. Unescok bere onura ugariengatik proposatzen du kirol hau, hala nola autokontrolerako gaitasunagatik edo gainerako pertsonekin harremanak izateko ematen dituen aukerengatik. Hala azpimarratzen du Jose Marik kapituluan, besteak beste, Oiana Blanco judoka ohiak, Julen Idarreta entrenatzaileak eta Raquel Barrientos estatuko entrenatzaileak lagunduta.

Jose Marik bere ibilbideko unerik onenetako batean dagoela dio, nahiz eta ziklo olinpikoa lesio batekin hasi zuen. Alderdi fisikoa eta mentala zaintzea garrantzitsua da, baina taktika lantzea ere ezinbestekoa da. Judoan, bizitzan bezala, helburu bat lortzeko prozesuan pausoak ematen dira aurrera eta beste batzuk atzera, euforia eta irregulartasuna txandaka doaz askotan, baina beharrezkoa da izateko edo gauzak egiteko arrazoi bat izatea, “ikigai” bat, japoniar kulturan oso presente dagoen kontzeptua. Gorabeherak gorabehera, batzuetan motibazioa galtzen bada ere, benetan zer nahi den jakin behar da, lan egin eta sinetsi, amets bati lotuta.

‘BAT To Paris’
2024ko Pariseko Joko Olinpiko eta Paralinpikoetan lehiatzeko borrokatu diren euskal kirolarien ahalegina Euskal Telebistan apirileko azken asteburutik aurrera astero eskaintzen diren erreportajeetan islatzen da. ‘BAT to Paris’ek, ‘BAT To Rio’‘BAT To Pyeongchang’‘BAT To Tokio’ eta ‘BAT To Beijing’ programen lekukoa hartu du, aipatutako saioek aurreko udako eta neguko hitzordu olinpiko eta paralinpikoetan parte hartu zuten euskal kirolariak aurkeztu baitzituzten, antzeko formularekin.

Erreportaje sorta honek ikus-entzunezko istorio handien osagaiak biltzen ditu, kirolarien ametsak, erronkak eta gainditzeko irrikak kontatuta. Programak pertsonen profil hori du ardatz, ikuslea haien borrokan eta asmoetan inplikatzeko helburuarekin.

‘BAT to Paris’Korima Films ekoiztetxeak egina, astero eskaintzen da pantaila txikian, igandeetan, ETB1eko ‘Helmuga’ saioaren barruan. Saio bakoitzak 10 minutu inguruko erreportaje bat du. Beraz, Joko Olinpikoak eta Paralinpikoak gertatu baino aste batzuk lehenago, ikus-entzuleek Parisko hirian lehiatzeko sailkapena lortzeko borrokan aritu izan diren euskal kirolarien zati handi bat ezagutzeko aukera dute.

Programak irudi ikusgarriak eta ikus-entzunezko baliabide modernoenen erabilera barne hartzen ditu.

Basque Team Fundazioa
Fundazioa 2007an sortu zuten Eusko Jaurlaritzak eta Euskal Irrati Telebista (EiTB) erakunde publikoak. Hasieran bezala, BASQUE TEAMen helburua baliabide ekonomikoak eta era guztietako zerbitzuak (medikoak, teknikoak, psikologikoak, komunikaziokoak, laneratzekoak eta ikasketen arlokoak…) ematea da, profesionalak ez diren euskal kirolariei, haien parte-hartzea errazteko eta nazioarteko lehiaketarik gorenetan bikaintasun-emaitzak lortzeko.