basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Eskia 06
martxoa
2023

Iñigo Martinez de Albornoz eskiatzailea bikain aritu da Munduko txapelketan

Donostiarrak seigarren postua lortu du esprintean eta laugarren postua errelebu mistoan Boi Taülleko mendiko eskiko Munduko txapelketan

Iñigo Martinez de Albornoz mendiko eskian nabarmentzen den izena da nazioarte mailan; hala erakusten dute, berriz ere, denboraldiko txapelketarik esperotsuenean, Boi Taüllen, Kataluniako Pirinioetan dagoen herrian jokatutako Munduko Txapelketan lortutako azken emaitzek. Mendiko eskia 2021ean sartu zuen Nazioarteko Batzorde Olinpikoak programa olinpikoan, eta debuta egingo du Milan-Cortina d´Ampezzoko Jokoetan 2026an. Iñigo da hitzordu olinpiko horretara begira euskal ordezkaritzaren barruan jarraitu beharreko kirolarietako bat.

Boi Taülleko Munduko Txapelketan jokatutako lehen proban, esprint lasterketan, Iñigok faseak igaro zituen, indar ikaragarria erakutsiz. Final-laurdenak eta finalerdiak gainditu zituen lehen postuan helmugaratuz, energia itzela azaleratuta eta oso azkar erreakzionatzeko eta erabakiak hartzeko gaitasuna izanez. Finalean ere hasieratik jarri zen aurrean, baina zoritxarrez trantsizioetako batean harrapatuta geratu zen, eta horrek seigarren postura eraman zuen.

Podiumetik gertuago geratu da Munduko Txapelketan jokatu duen bigarren proban. Martinez de Albornozek, Marta Garciarekin batera, laugarren bukatu zuen atzo errelebo mistoen lasterketa. 25 taldek parte hartu zuten sailkapenean, baina 12 azkarrenak bakarrik sartu ziren finalean. Zazpi selekzio iritsi ziren finalera, Frantzia, Italia, Espainia, Austria eta Suitza bina talderekin eta Eslovakia eta Alemania bakarrarekin.

Ibilbideak bi igoera eta jaitsiera izan zituen, 127 metroko desnibelarekin. Emily Harropek Thibault Anselmeti eman zion erreleboa lehenik eta behin, abantaila txiki batekin, nahiz eta gero lasterketa oso bizi jarri zen. Axelle Gachet-Mollaret eta Robin Galindo Frantziako bigarren taldeak aldea murriztu zuen, baina Iñigo eta Marta atzean erritmoari eutsi zioten. Azken txanda zirraragarria izan zen. Iñigo Martinez de Albornoz jarri zen buruan, baina azkenean Robin Galindok aurrea hartu zion. Anselmet aurrera itzuli zen oinezko tartearen amaieran, eta abantaila estua mantentzea lortu zuen. Thibault Anselmet eta Emily Harrop -26:46.5- izan ziren Munduko Txapelketako irabazleak. Frantziako bikotearengandik hamar segundora Giulia Murada eta Nicolò Canclini italiarrak sartu ziren. Podiuma Axelle Gachet-Mollaret eta Robin Galindoren bigarren talde frantziarrak osatu zuen. Hamasei segundo geroago helmugaratu ziren Marta Garcia eta Iñigo Martinez de Albornoz, azken unera arte dominarengatik borrokatuz.

Iñigo Martinez de Albornozek lau Munduko Kopa egin ditu denboraldi honetan Munduko Txapelketara iritsi aurretik: Val Thorensekoa (Frantzia), Pontedilegno-Tonalekoa (Italia), Morginsekoa (Suitza) eta Val Martellorena (Italia). Behetik gora egin du, batez ere azken proban lortutako emaitzak azpimarratuz, zazpigarren amaitu baitzuen esprint proban eta seigarren errelebu mistoetan Marta Garciarekin batera. Denboraldia amaitu aurretik beste bi Munduko Kopatan lehiatuko da: Schladmingekoa (Austria) martxoaren 17tik 19ra eta Tromsokoa (Norvegia) apirilaren 12tik 16ra, Euskadiko selekzioarekin distantzia luzeko Munduko Txapelketan parte hartzeaz gain.