basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Atletismoa 15
abuztua
2022

Carlos Tobalinak ez du Municheko Europako txapelketako pisu jaurtiketako finalerako sailkapena lortu

Carlos Tobalina, Basque Teamek bultzatutako bikaintasun-proiektuko kidea, zortzigarren izan da pisu jaurtiketako bere sailkapen-seriean eta 19.58ko jaurtiketa hobearekin ezin izan du arratsaldeko finalerako txartela lortu.

Tobalinak A taldean hasi du bere jarduna 19.12ko jaurtiketa batekin. Proba bukatzean berak adierazi duen bezala, kontaktua hartzeko jaurtiketa bat da, eta ez du sentsazio onik ematen baliogabe batekin hasteak, beraz, tiroa ziurtatu du. Bigarren jaurtiketan ezin izan du falta ekidin eta hirugarrenean 19.58 metrora iritsi da.

Carlos Tobalina ez da bere marka onenetik gertu egon, ezta denboraldiko markarik onenetik gertu ere (20.37), eta ez ditu hobetu Eugeneko Munduko Txapelketan lortutako 19.70 metroak. Carlosek Munichera joandako Basque Teameko komunikazio taldeari onartu dio Estatu Batuetako hitzordu nagusitik lehiarik ez izateak zerikusia izan duela.

Gaur 21.15 metro jaurtitzen zuenak edo 12 marka onenak lortzeko gai ziren jaurtitzaileek lortzen zuten finalerako pasea.

Tobalinak ziurtatu du ez duela arazo fisikorik eta motibatuta eta mentalki orekatuta dagoela datorrenari aurre egiteko. Ezkerreko sorbaldan bere pentsamenduak saboteatzeko agertu ohi zaion gizontxoaz galdetzean, Carlosek txantxetan esan du oraingoan ez dela agertu. Jaurtitzaileak ez dio mugarik jartzen bere buruari, eta 2023. urteari, Pariseko Jokoei begira, aurre egiteko pauso txikiak emateko gai izango dela pentsatzen du.