basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Albisteak 16
abendua
2021

Basque Team Fundazioak diploma jaso du Emakunderen erakunde laguntzaile gisa

Fundazioak genero-berdintasunaren arloan duela urte batzuetatik duen konpromisoa indartu egiten da aintzatespen honekin

Emakundek balioetsi egin ditu Basque Teamek emakumeen eta gizonen berdintasunerako politika bat garatzeko azken urteotan hartu dituen ekintzak eta konpromisoak, eta Emakumeen eta Gizonen Berdintasunerako Erakunde Laguntzailearen aintzatespenaren diploma eman dio Fundazioari gaur Bilboko Azkuna Zentroan egindako ekitaldian.

“Basque Teamentzat errekonozimendu hau oso garrantzitsua da, honen bitartez berdintasunarekin daukagun konpromisoa finkatzen dugulako. Gure helburua honetan lan egiten jarraitzea da. Kirolean legez oraindik ezberdinatsunak oraindik ugariak dira eta gure erantzukizuna hor dago”, adierazi du Olatz Legarza Basque Team Fundazioko koordinatzaileak.

Emakumeen eta gizonen arteko berdintasuna kontzienteki agertzen da Basque Teamen balioen artean. Fundazioak Berdintasunerako I. Plana du, eta etengabeko lankidetza du Jarduera Fisikoaren eta Kirolaren Zuzendaritzarekin eta Emakunde-Emakumearen Euskal Institutuarekin. Gainera, aktiboki laguntzen du emakumeen eta gizonen berdintasunaren irismena bilatzen duten kanpaina instituzional nagusiekin, eta bere jarduera guztiek genero-ikuspegia txertatzen dute.

“Guretzat bikaintasuna funtsezko balore bat da eta hori ulertzeko eta lantzeko beharrezkoa da berdintasuna ere bide horretan lantzea. Guk gure jardueretan, gure egunerokotasun horretan genero ikuspegi hori txertau nahi dugu”, gehitu du Legarzak.

Hala, genero-ikuspegia sistematizatutzat jo daiteke bere lan-prozesu guztietan, eta bi ildotan bideratutako jarduerak nabarmentzen dira: bata, emakumeen kirol-erreferenteak babesteari eta ikusarazteari buruzkoa, eta, bestea, kirolariei laguntzeko hainbat zerbitzutan genero-ikuspegia zaintzeari buruzkoa.

“Animatu nahiko nituzke kirolarekin zerikusia duten egitura eta erakundeak  Emakunderekin bat egitera ibilbide honetan, danon artean kirola berdintasuneko esparru bihurtzeko” bukatu du Olatz Legarzak.