abuztua
2021
Rakel Mateok domina ukitua duen diploma lortu du Tokioko Jokoetako paratriatloian
Basque Teameko kirolaria zazpigarrena izan da PTS2 kategorian, eta bigarren diploma pilatu du horrela, Rio de Janeiron, 2016. urtean, lortutakoaren ondoren
Rakel Mateok bigarren diploma paralinpikoa eskuratu du. Rio de Janieron zortzigarrena izan zen eta gaur emaitza hori hobetu du, zazpigarrena izanda PTS2 kategorian. Gaurko emaitza, funtsean, zazpigarren postu horretatik haratago doa, Mungiakoak bizi izan duen azken urtearen konplexutasuna kontuan hartuta.
Rakel Mateorentzat gaur lehiaketan aritzea domina bat zen. Duela sei hilabete ezkerreko hankaren zati batean anputazioa jasan ondoren, paratriatletak berrasmatzen jakin behar izan zuen beste behin, ebakuntza derrigorrezko bihurtu baitzen min jasanezinagatik. Gainera, sarri erortzen zen, hankak huts egiten zion eta ezin zuen kontrolatu. Hauek Rakelek duela 20 urte izan zuen istripu baten ondorioak dira. 100 kilo, lan egiten zuen supermerkatuan maneiatzen zuen karga, hankaren gainera erori zitzaizkion. Horren ondorioz, bi hamarkadatan hanka tolestea eragotzi dioten lesio neuropatikoak izan ditu.
Horrela lehiatzen aritu izan da orain arte, baina, anputazioaren ondoren, hutsetik hasi behar izan du, ebakuntzak berak eragindako errehabilitazioa eta egoera berriak eskatzen zuen kirol-heziketa berria uztartuta. Beste era batera Igeri egiten, bizikletan ibiltzen eta korrika egiten ikasi behar izan du, eta dena egiteko oso denbora gutxi izan du gainera. Ez zegoen atsekabetzeko astirik, Tokioko Jokoak berehala zetozelako. Rakelek esfortzu eta gogo handiz prestatu ditu, eta gaur emaitza agerian geratu da Odaiba Marine Parken.
Joko paraolinpikoetan, esprintaren modalitatea jokatzen da: 750 metro igerian, 20 kilometro bizikletan eta 5 kilometro oinez. Basque Teameko kirolariak lehen partziala 14:24ko denboran (+2:29) amaitu du, zazpigarren postuan. Postu horri eutsi dio txirrindularitzan; nahiko konstantea izan da tarte horretan guztian, bost kilometrotik behin hartutako erreferentziek markatu duten bezala. Agian oinezko lasterketaren zatia izan da bizkaitarrari gehien kostatu zaiona, beroa eta hezetasuna gainditzeko zailtasunak izan dituelako. Mateok zazpigarren lekuan amaitu du proba, ordu bat, 30 minutu eta 37 segundoko esfortzua egin ondoren, Allysa Seely estatubatuarrarengandik 16:34ra.
“Oso pozik nago, ez nintzala iritsiko uste nuelako<, baina esan nion nire buruari ez nuela bihar esango, ‘eta saiatu izan banintz’… Sei hilabete oso gogorrak izan dira, paraleloan anputaziotik indarberritzen joan behar izan dudalako, eta hiru kirolak egiten ikasi behar izan dudalako. Gogorra izan da, baina merezi izan du. Nire aetsa egotea zen” esan dio Rakelek Tokiora joandako Basque Teameko komunikazio-taldeari.
Bestalde, gurpil-aulkiko saskibaloian, Asier Garcíaren eta David Mourizen selekzioak multzoen fasean beste erakustaldi bat eman du. Gaur, 79-61 irabazi diote Turkiari. Agurtzane Egiluzen selekzioak ere egun ona izan du, eta bi porroten ondoren, gaur 80-8 menderatu du Aljeria.
Arraunean, Jorge Pinedaren lauko lemazaindun mistoak bosgarren bukatu du Sea Forest Waterwayn jokatutako bigarren aukerakoan; beraz, bihar B finala jokatu beharko du, Euskadiko 03:30ean.
Azkenik, Tokioko Aquatic Centren, Nahia Zudaire gaztea txapelketatik at geratu da S8 kategoriako 200 metroko estiloen sailkapenean, bular estiloan tximeleta-ostikoa egin baitu epaileen ustez. Gaurko probaz gain, estilo libreko 400 metroko lasterketan ere lehiatuko da Nahia, abuztuaren 31n, eta tximeleta erako 100 metroko lasterketan, irailaren 3an.Basque Teameko kirolaria zazpigarrena izan da PTS2 kategorian, eta bigarren diploma pilatu du horrela, Rio de Janeiron, 2016. urtean, lortutakoaren ondoren
Rakel Mateok bigarren diploma paralinpikoa eskuratu du. Rio de Janieron zortzigarrena izan zen eta gaur emaitza hori hobetu du, zazpigarrena izanda PTS2 kategorian. Gaurko emaitza, funtsean, zazpigarren postu horretatik haratago doa, Mungiakoak bizi izan duen azken urtearen konplexutasuna kontuan hartuta.
Rakel Mateorentzat gaur lehiaketan aritzea domina bat zen. Duela sei hilabete ezkerreko hankaren zati batean anputazioa jasan ondoren, paratriatletak berrasmatzen jakin behar izan zuen beste behin, ebakuntza derrigorrezko bihurtu baitzen min jasanezinagatik. Gainera, sarri erortzen zen, hankak huts egiten zion eta ezin zuen kontrolatu. Hauek Rakelek duela 20 urte izan zuen istripu baten ondorioak dira. 100 kilo, lan egiten zuen supermerkatuan maneiatzen zuen karga, hankaren gainera erori zitzaizkion. Horren ondorioz, bi hamarkadatan hanka tolestea eragotzi dioten lesio neuropatikoak izan ditu.
Horrela lehiatzen aritu izan da orain arte, baina, anputazioaren ondoren, hutsetik hasi behar izan du, ebakuntzak berak eragindako errehabilitazioa eta egoera berriak eskatzen zuen kirol-heziketa berria uztartuta. Beste era batera Igeri egiten, bizikletan ibiltzen eta korrika egiten ikasi behar izan du, eta dena egiteko oso denbora gutxi izan du gainera. Ez zegoen atsekabetzeko astirik, Tokioko Jokoak berehala zetozelako. Rakelek esfortzu eta gogo handiz prestatu ditu, eta gaur emaitza agerian geratu da Odaiba Marine Parken.
Joko paraolinpikoetan, esprintaren modalitatea jokatzen da: 750 metro igerian, 20 kilometro bizikletan eta 5 kilometro oinez. Basque Teameko kirolariak lehen partziala 14:24ko denboran (+2:29) amaitu du, zazpigarren postuan. Postu horri eutsi dio txirrindularitzan; nahiko konstantea izan da tarte horretan guztian, bost kilometrotik behin hartutako erreferentziek markatu duten bezala. Agian oinezko lasterketaren zatia izan da bizkaitarrari gehien kostatu zaiona, beroa eta hezetasuna gainditzeko zailtasunak izan dituelako. Mateok zazpigarren lekuan amaitu du proba, ordu bat, 30 minutu eta 37 segundoko esfortzua egin ondoren, Allysa Seely estatubatuarrarengandik 16:34ra.
“Oso pozik nago, ez nintzala iritsiko uste nuelako<, baina esan nion nire buruari ez nuela bihar esango, ‘eta saiatu izan banintz’… Sei hilabete oso gogorrak izan dira, paraleloan anputaziotik indarberritzen joan behar izan dudalako, eta hiru kirolak egiten ikasi behar izan dudalako. Gogorra izan da, baina merezi izan du. Nire aetsa egotea zen” esan dio Rakelek Tokiora joandako Basque Teameko komunikazio-taldeari.
Bestalde, gurpil-aulkiko saskibaloian, Asier Garcíaren eta David Mourizen selekzioak multzoen fasean beste erakustaldi bat eman du. Gaur, 79-61 irabazi diote Turkiari. Agurtzane Egiluzen selekzioak ere egun ona izan du, eta bi porroten ondoren, gaur 80-8 menderatu du Aljeria.
Arraunean, Jorge Pinedaren lauko lemazaindun mistoak bosgarren bukatu du Sea Forest Waterwayn jokatutako bigarren aukerakoan; beraz, bihar B finala jokatu beharko du, Euskadiko 03:30ean.
Azkenik, Tokioko Aquatic Centren, Nahia Zudaire gaztea txapelketatik at geratu da S8 kategoriako 200 metroko estiloen sailkapenean, bular estiloan tximeleta-ostikoa egin baitu epaileen ustez. Gaurko probaz gain, estilo libreko 400 metroko lasterketan ere lehiatuko da Nahia, abuztuaren 31n, eta tximeleta erako 100 metroko lasterketan, irailaren 3an.