basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Surfa 16
apirila
2021

Leticia Canalesek surfa egitera gonbidatzen gaitu Basque Teamek eta Ausolanek abian jarri duten ‘Aktiba zaitez’ kanpainan

Ausolan elkarteak, taldeentzako sukaldaritza egiten duen enpresak, eta Basque Team Fundazioak, goi mailako euskal kirol minoritarioa sustatzen duen erakundeak, ‘Aktiba zaitez’ izeneko kanpaina bat jarriko dute abian, haurtzarotik bizimodu osasungarriaeta jarduera fisikoa bultzatzeko.

‘Aktiba zaitez’ kanpaina hirugarren hiruhilekoan garatuko da Euskadiko ikastetxeetako jantokietan. Bazkalorduko aisialdia aprobetxatuz, proiektuak “ikastetxeetan eguerdiarekin lotutako espazioak dinamizatzea, ingurumenarekiko ohitura osasungarriak eta arduratsuak sustatzea eta kirol desberdinak praktikatzea” bilatzen du, Euskadiko Ausolaneko hezkuntza-proiektuko lantaldearen arabera.

Leticia Canales (Surf – Sopela) eta Odei Jainaga (Xabalina jaurtiketa – Eibar) (oraindik sailkapen olinpikoaren borrokan) eta Maialen Chourraut (Piraguismo eslalom – Lasarte) (Tokyo 2021erako plaza nominalarekin) euskal kirolari olinpikoen eskutik datozen hilabeteetan zenbait jarduera eta erronka egingo dira, bazkal ordua baino lehen edo ondoren, Ausolanen eskola-jantokietan.

Jarduera eta ariketa horiei esker, “elikadura osasuntsuari eusteak duen garrantzia, Basque Team kirolarien bidez beste kirol batzuk egiteak duen garrantzia eta jantokiaren uneak ariketa egiteko aprobetxatzeak duen garrantzia” igorriko zaie ikasleei, Ausolanek Euskadin duen hezkuntza-proiektuko lantaldearen esanetan.

‘Aktiba zaitez’ kanpainarekin bat egin duten kirolariek haurrei helarazi nahi dizkieten mezuetako batzuk azpimarratu dituzte. Besteak beste, Leticia Canalesek “surfa naturarekin etengabeko kontaktuan egoteko kirola dela eta horrek esperientzia magikoa izatea eragiten duela erakutsi nahi diet“; Odei Jainagak “elikadura zaintzea eguneroko entrenamendua bezain garrantzitsua da”; eta Maialen Chourrautek “piraguismoak naturan pentsatzen eta ura zaindu beharreko ondarea dela ikusten irakasten du”.

‘Aktiba zaitez’, Garapen Jasangarriko Helburuekin konprometitutako kanpaina

Ekimen hau, gainera, Garapen Iraunkorreko hiru helbururi lotuta dago: itsaspeko Bizitza, Zero Gosea eta Ur Garbia eta Saneamendua.

Ausolanek eta Basque Teamek lankidetza-hitzarmen bat sinatu zuten 2020an. Horren bidez, bizi-estilo osasungarriak batera bultzatzea lortzeaz gain, bi erakundeek konpromisoa hartzen dute kirolariei beren entrenamenduarekin eta lehiaketa ofizialetan parte hartzearekin bateragarriak diren enplegu-baldintzak emateko, bai eta kirol-jarduera amaitu ondoren laneratzeko ere.