Begoña Lazkano piraguistari eginiko elkarrizketa Szegedeko Munduko txapelketan finalerdietara igaro ondoren
Begoña Lazkanoren laukoa seigarren izan da Szegedeko pistako piraguismoko Munduko txapelketako sailkapen txandan, K4-500 metrokoan, eta finalerdietarako pasea lortu du. Basque Teameko palistak erronka handia du Hungarian: Tokio 2020rako txartela lortzea, bere lehen Olinpiar Jokoak izan daitezkeen horietan egoteko pasea eskuratzea, alegia. Begoñaren aburuz, orain dela lau urte baino prestatuago heldu dira hitzordura.