basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Eskia 22
otsaila
2017

“Lehenengo 20en artean egotea dut helburu”

Imanol Rojo otsailaren 23tik aurrera Lahtin (Finlandia) jokatuko duten iraupen-eskiko Munduko Txapelketan lehiatuko da

BASQUE TEAMeko kirolaria lehenengo 30en artean kokatuta dago Europako Kopako zerrendan eta txapelketa honetan lehenengo 20 onenen artean postu bat lortzeko asmoa du, batez ere 50 kilometroko proban.

Imanol Rojo sasoi onean dago; horren erakusle 2016ko bukaeran maratoien Europako Txapelketan lortutako titulua, aurten Espainiako txapelketan lortu dituen bi garaipen eta Austriako 42 kilometroko Dolomitenlauf Lienz proban erdietsitako emaitza (Top 10ean sartu zen).

Tolosarrak buruan dauka Munduko Txapelketa maiatzetik. Orain, entrenatzen 700 ordu eman ostean eta 10 hilabeteren ondoren, denboraldiko hitzordu nagusia heldu da. Imanol otsailaren 23an Sprintean lehiatuko da, otsailaren 25ean Skiathloian eta martxoaren 1ean 15km teknika klasikoan eta 50 kilometroko proban.

Oraintxe bertan PyeongChangeko (Hego Korea) Neguko Jokoetarako txartela ematen duten postuetan dago gipuzkoarra baina lasterketa luzeetan eta Europako Kopako lasterketetan puntuak biltzen jarraitzea da bere asmoa, Munduko Txapelketan parte hartu eta gero. Imanol aurreko Jokoetan izan zen, 2014ko Sotxiko Jokoetan.