uztaila
2016
Maria Lopez de Eguilaz eta Rocio Ybarra belar hockeyko euskal jokalariek Rioko Olinpiar Jokoetan parte hartuko dute
Belar-hockeyko estatuko selekzioaren hautatzaileak, Adrian Lockek, Rio de Janeiroko Olinpiar Jokoetan arituko diren jokalarien zerrenda ofiziala jakitera eman du.
Sant Vicent del Raspeigeko kontzentrazioa bukatu eta gero, Lockek erabaki du ze 16 jokalari lehiatuko diren Brasilgo hitzorduan eta horien artean daude Maria Lopez de Eguilaz eta Rocio Ybarra.
Hilabeteko prestaketaren ondoren, orain atseden hartuko dute eta uztailaren 11n Ingalaterrara abiatuko dira. Han Britainia Handiko selekzioaren kontra bi neurketa izango dituzte eta ostean Herbeheretara joango dira Holandako selekzio absolutuaren kontra bi partida eta 21 urtez azpiko selekzioaren kontra beste bi norgehiagoka jokatzeko. Uztailaren 25ean Madrilen bilduko dira eta Riorako hegaldia uztailaren 29an hartuko dute.