maiatza
2016
Basque Teameko goi mailako kirol programak arraunketa olinpikoan beste bi fitxaketa egin ditu: Ander Zabala eta Imanol Garmendia
Brandenburgeko Europako Txapelketan parte hartu dute asteburu honetan eta handik zuzenenan etorri dira gaur Fadurara (Getxo) Imanol Garmendia eta Ander Zabala, Basque Teameko Olatz Legarza koordinatzailearekin biltzeko eta kontratua sinatzeko. Akordio honen bitartez bi arraunlariak sartu dira Basque Teamek goi mai lako kirola sustatzeko duen programan.
Ander Zabala (Santurtzi, 1992) eta Imanol Garmendia (Donostia, 1992) sasoiko dabiltza eta Alemaniako Europako Txapelketan parte hartzeak argi erakusten du aukera asko dituztela euren lehenengo jokoetan parte hartzeko. Bi arraunlariek Euskadin hain arrakastatsuak diren ohiko traineruen estropadak albo batera utzi zituzten arraunketa olinpikoaren aldeko apustua egiteko. Gaur egun 4-LM pisu arineko kategorian lehiatzen dira, eta Orioko Klubeko kideak izan arren, Sevillan entrenatzen pasatzen dituzte hilabete asko urtean.