martxoa
2016
Rakel Mateo, Basque Team-en beka programan sartu den lehen paratriatleta
Rakel Mateok eta BAT Basque Teameko koordinatzaileak, Olatz Legarzak, eguerdian sinatu dute beka. Maila goreneko euskal kirolariei laguntza eskaintzen dien programan sartu den lehen paratriatleta da Rakel. Bizkaitarrak aukera asko ditu Rioko Paralinpiar Jokoetarako sailkatzeko.
Mungian bizi eta entrenatzen den Rakel Mateo (Mungia, 1975) kirola praktikatzen hasi zen bere ezker hankan lesio larriak eragin zizkion lan-istripu bat izan ondoren. Pista txirrindularitzak bere minusbaliotasuna onartzeko, elikadura ohitura berriak hartzeko eta aurretik zuen anorexia gainditzeko lagundu zion. Orain dela bi urte triatloi egokituko probetan parte hartzen hasi zen ‘Saiatu’ taldearekin eta iaz urrea eskuratu zuen Munduko Serieetan eta brontzea Europako Txapelketan.