basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Besteak 22
martxoa
2013

Zilarrezko domina Maider Undarentzat Georgiako Europako txapelketan

Voroeva txapeldun olinpiarrak gainditu zuen arabarra final handian

2012/03/22.- Beste behin albiste onak ekarri ditu Maider Undak borroka libreko nazioarte mailako txapelketetatik. Bere kirol ibilbidean inoizko emaitzik onena lortu eta gero, Londreseko brontzezko domina, Maiderrek 35 urterekin goi mailan segitzen duela erakutsi zuen beste behin eta luzerako gainera. Eskakizun handiko txapelketa zen atzokoa, hasierako lehietan jokatzen baitzuen ia guztia Maiderrek eta oso lan orekatua egin zuen finalerdietara helduz. Lehendabizi Epp Mae estoniarra hartu zuen mendean arazo askorik gabe finalerdietarako sailkapena poltsikoratuz. Hurrengo borroka zen erabakiorra eta berriz ere Vassilisa Marzaliuk bielorrusiarrarekin egin zuen topo, hain zuzen ere, Londresen brontzeko domina lortzeko lehian izan zuen arerio berarekin. Maiderrek bere maisutasuna erakutsi zuen orduan eta aurrea hartu zion aurkariari, 1eta 0 nagusituz bi saioetan eta finalerako sailkatuz. Urrearekin amets egiteko momentua zen orduan baina aurrean zeukan borrokalaria, Voroeva txapeldun olinpiarra, ez zen nolanahikoa.
Hasieratik ez zion aukerarik eman Maiderri eta 0 eta 4 eta 0 eta 2ko emaitzaz aise hartu zuen mendean borrokalari euskalduna, Maiderri zilarrezko domina utziz. Emaitza paregabea da Maiderrentzat eta BATeko kirolaria meritu handiko sariarekin itzuliko da Euskadira. Astelehenean entzun ahal izango ditugu bere hitzak Faduran (Getxon) Basque Team fundazioak hedabideen aurrean antolatu duen 2012ko balantzean.
Zorionak Maider!!!