GURUTZE FRADESEN PRENTSAURREKOA MALAYSIAKO IRON MANEAN BIGARREN IZAN ETA ITZULI BERRITAN

Gurutze Fradesek bere denboraldi bikainaren balantzea egingo du. Malaysiako Iron Man proban lortu berri duen bigarren postuarekin eta Vichy Iron Man-eko garaipenari esker, 2016an Hawaiin Pro mailan parte hartzeko aukera izango duten 35 triatleten zerrendan hamargarrena da orain.

Eliteko kirola bultzatzea xede duen Basque Team euskal Fundazioak eta Gazteaukera gazteriaren atariak Gazte Olimpic  Team lehiaketa abiarazi dute, Rion 2016ko esperientzia olinpikoa informazio-teknologia berrien bitartez ezagutarazteko asmoz. Zortzi blogari gaztek Olinpiar Jokoekin zerikusia duten jarduera asko zuzen-zuzenean bizi, lehian diharduten euskal kirolariekin harremanetan egon eta han-hemenka bildutako esperientziak Gazteaukera blogean islatzeko aukera izango dute.

Gazte Olimpic Team lehiaketak aukera paregabea eskaintzen die Euskadiko gazteei Rion bederatzi eguneko egonaldia irabazteko, lau lagun Olinpiar Jokoetara gonbidatuz eta beste lau Paralinpikoetara. Sariak hegaldiak, ostatua, kirol jardueretarako sarrerak, bidaia-gastuak eta asegurua biltzen ditu.

Lehiaketa 18 urtetik 30 urte bitarteko Euskadiko gazteentzat irekita dago, eta bertan parte hartzeko, idazlan bat edo bideo bat bidali behar dira Gazteaukera webgunearen bitartez, gaitzat honako hau hartuta: “Euskal Selekzioak 10 domina eskuratu ditu Olinpiar Jokoetan”. Lanak bidaltzeko azken eguna 2015eko abenduaren 15a da, eta 2016ko urtarrilaren amaieran, saritutako pertsonen izenak argitaratuko dira Gazteaukera atarian eta Basque Team-en zein Gazteaukeraren sare sozialetan (Facebook eta Twitter).

Aurkeztuko diren lanetan, komunikatzeko gaitasuna, originaltasuna eta kalitatea kontutan hartuko dute epaimahaikideek. Epaimahaiak zortzi lan aukeratuko ditu, eta zozketa bidez, launa pertsonako bi talde antolatuko dira, Olinpiar Jokoetara joateko bata, eta Joko Paralinpikoetara joateko bestea.

Talde hauen esperientziak (postak, argazkiak eta bideoak) Gazteaukerako blogean azalduko dira, bai eta sare sozialetan ere. Aukeratutako blogariek Basque Team-ek babestutako euskal kirolari olinpiko nahiz paralinpiko batzuekin zuzenean harremanetan egoteko aukera izango dute.

Gazteaukera
Gazteaukera Euskadiko Gazteriaren ataria da. Eusko Jaurlaritzako Gazteria eta Kirol Zuzendaritzak gai desberdinei buruzko informazio eskaintzen du atari honen bidez, kultura eta aisia, euskara, Internet, lankidetza, hezkuntza, enplegua, etxebizitza, osasuna eta ekologia tarteko direla. Gazte Informazio Guneetako zerbitzuak eta Gazteriaren Euskal Behatokia ere atarian ageri dira. Urterik urte, Zuzendaritzak era askotako programak garatzen ditu, hala nola, Gaztebizhitza orientazio eta aholkularitza zerbitzua,  Auzolandegiak, Euskadiko Gazteak Lankidetzan, Gazte-txartela edo programa europarrak.

Basque Team
Goi-mailako euskal kirolaren garapena bultzatzea da Basque Team-en xedea, Euskadiko kirolariek ordezkaritza zabala izan dezaten goi-mailako kirol lehiaketetan. Ekimena Eusko Jaurlaritzak —Hezkuntza, Hizkuntza Politika eta Kultura Sailaren bitartez— eta Euskal Irrati-Telebistak bultzatu dute. 

Informazio gehiago, gazteaukera blogean:
http://www.gazteaukera.euskadi.eus/r58-gbh001/eu/contenidos/noticia/gaztebizhitza_lehiaketa_rio/eu_def/index.shtml

Harremanetarako: gazteaukera@gmail.com

Kako Aranburu Basque Teameko tiratzaileak, 2016ko Olinpiar Jokoetara sailkatzeko azken aukera izango du GAUR eta bihar ISSF World Championship Shotgun txapelketan, Italiako Lonaton. Rio 2016rako azken bi txartelak lortzeko aukera dago jokoan. Gaur ekingo dio lehiari Aranburuk hiru saiorekin, 9:30ean, 13:00etan eta 15:30ean. Bihar osteguna jokatuko ditu azken bi saioak, 11:00etan eta 14:30ean.

Aldi berean, Londresen ICF Canoe Slalom World Championships egingo dira gaur hasi eta igandera bitarte. Basque Teameko bi palistek hartuko dute parte bihar, Maialen Chourrautek eta Irati Goikoetxeak, K1ean biek.

Atletismoan muturreko proba da 100 kilometrotakoa, hein handi batean fisiologikoki. Muturreko erronkei aurre egiteko goi mailako kirolaria izan behar da ezinbestean, eta Asier Cuevas Basque Teameko atleta hala da. Munduko eta Europako Txapelunordea da proba horretan. Lorpen bikaina bezain sufritua, lasterketa amaiera aldera giharretako arazoengatik gelditu egin behar izan Vuevatbaitzuen luzaketak eginez kilomteroro azken 10etan, baina halere bigarren postuari eusteko gai izan zen. Eta horrekin gutxi ez eta gainera sekulako marka egin zuen: 6 ordu 35 minutu eta 49 segundo, bere marka zena hiru minutu baino gehiagoan hobetuz.

2014tik BASQUE TEAM-eko kirolaria den Asier Cuevasek gaur goizean bisita egin du Getxoko instalazioetara eta aitortu du datorren urteko Txapelketan jarria daukala jada burua.

100 kilometrotako Munduko Txapelunorde izan aurretik, 2013ko Europako Txapeldun izan zen taldeka (Belves, Frantzia), eta 2012an laugarren sailkatu zen Munduko Txapelketam (Seregno, Italia).

Winschoten-en (Herbehereak) jokatu zen 100 kilometrotako asfalto gaineko Munduko Txapelketa joan zen larunbatean. 10 kilometroko zirkuituari 10 itzuli eman behar izan zizkioten lasterkariek. Jonas Buud suediarra izan zen lehena, Asierri 13 minutuko aldea atera zion 6 ordu 22 minutu eta 48 segundoko lana osatuz.

Bost urte daramatza Asier Cuevasek (Eibar, 1973/01/16) 100 kilometroko proban murgilduta. Arnas luzeko probetan aritu izan da beti, maratoietan eta maratoi erdietan, 2012ra arte Goierri Garaia taldean, gero Eibarko Deportivon denboraldi batez, eta azkenik egungo taldean, New Balance-n. 2011ean Espainiako Txapelketa irabazi zuen 100 kilometrotan, eta 2008an Maratoiko Espainiako Txapelketa. 2 ordu 14 minutu eta 23 segundoko marka dauka Maratoian. Santi Perez da bere entrenatzailea, hura izan da Asier doitu duena, harena da lorpen handi honen ‘erru’ handiena.

Las Vegasen lor dezake hirugarrenez Olinpiar Jokoetara sailkatzea Maider Undak. Munduko Txapelketetan parte hartuko du gaur arratsaldean hasi, eta ondo bidez, gauera bitartean borrokalari arabarrak. 75 kiloz azpiko mailan arituko da, eta 19:00etan (Euskadin) hasiko den lehian Yasemin Adar turkiarra izango du lehen aurkaria.

Maider Unda (Olaeta, 1977) aurten itzuli da berriro lehiara, eta emaitza bikainak lortu ditu. Uztailean Espainiako GP-an hirugarren izan zen, eta ekainean lehen Europar Jokoetan (Baku) ere hirugarren sailkatu zen. Gaurko lehen aurkaria, Adar, bere aldetik, iazko Munduko Txapelketan 9. sailkatu zen eta denboraldi txukuna osatzen ari da aurten: uztailean Poloniako Opena irabazi zuen eta Europar Jokoetan 5.a izan zen.

Adar gainditzen badu, Maider final laurdenetan sartuko da eta Andrea Olaya kolonbiarraren eta Nadia Antar egipziarraren arteko irabazlea izando du aurkari. Bigarren borroka hori irabazteak sari ederra dauka: finalerdietan sartzea eta Olinpiar txartela poltsikoratzea. Las Vegasen Rio2016rako 6 txartel banatuko dira, orotara emango diren 12etatik lehenak. Kategoria desberdinetako Finalak 03:30etan (Euskadi) hasiko dira. Hona streamingez jarraitu ahal izateko Nazioarteko Borroka Federazioaren esteka: http://bit.ly/1O8KziK

Pablo Carrera tiratzaile bilbotarrak Rio de Janeiroko Joko Olinpikoetan parte hartzeko plaza lortu du gaur goizean, Basque Team-eko kirolari batek erdietsi duen bigarrena alegia, Iker Martinezek belan lortu zuenaren ondoren. Carrerak Azerbaiango Gabala herrian jokatutako Munduko Kopan irabazi duen plaza hau Espainiako Tiro Federazioak lortutako bosgarrena da.

“Oso-oso harro nago plaza lortu izanaz, denboraldi osoko jardunari emandako saria baita, eta esan beharrik ere ez dago, sekulako ilusioa egingo lidakeela Jokoetan parte hartzeak. Ni ez naiz kirol jardunean oso-osorik jardun dezakeen profesionala, eta ondorioz, ni bezalako kirolari batentzat, Jokoetan jardutea egundoko esperientzia izango da”, adierazi du Carrerak gaur goizean. “Lehentxeago lor nezakeen arren, plaza irabazita lasaitasun handi-handiaz aurre egin ahal izango diot datorren denboraldiko lehiaketa-egutegiari”, ziurtatu du.

Carrerak Diploma lortu zuen Londresko 2012ko Jokoetan egindako seigarren postuari esker, eta esperientzia horren ondoren, “Rio-rako helburua domina irabazleen artean egotea” dela aitortu du. Gaurko puntuaketaz, Munduko Kopako bosgarren postua ez ezik, Rio-n izango den doitasun tiroko Espainiako hoberenak pistola libreko 50 metroko eta aire-pistolako 10 metroko modalitateetan parte hartu ahal izango du.

Naiara Gómez 39 urteko piraguistak azken urteotako kirol karrera bikainari amaiera ematea erabaki du, nazioarteko lehian 14 denboraldiko ibilbide luzea egin ondoren eta 2004ko eta 2011ko Munduko Txapelketetan lortutako bi brontzezko domina eta beste hainbat sari irabaziak dituela. Halaxe iragarri du gaur goizean, karrerako zati handi batean bidelagun izan duen BASQUE TEAM erakundearen egoitzan, aldean Jon Redondo Eusko Jaurlaritzako Kirol Zuzendaria zuela.

Getxoztarra maratoian nabarmendu da, kirol modalitate honi dagozkion gogortasuna, distantzia luzeak eta zenbait ibilbide-zatitan palei eragiteaz gain piragua soinean eraman beharra aisa asko gainditu dituelarik. Banakako (K1) nahiz binakako (K2) norgehiagoketan lehiatu da, baina binakakoa izan da garaipenik gogoangarrienak eman dizkiona. Naiarak, gainera, ezin hobeto frogatu du, unibertsitateako ikasketak, amatasuna eta maila goreneko lehia bateragarriak direla, izan ere, Jarduera Fisikoaren eta Kirolaren Zientzietako lizentziaduna eta goi mailako kirol errendimenduko Master baten jabea izateaz gain, bi aldiz ama izan baita, 2009an eta 2013an.

Getxo Kayak Piraguismo Taldeko kidea izanik, 10 urte baino ez zituen kirol honetan trebatzen hasi zenean, baina nazioarteko lehiaketetara 25 urte zituela iritsi zen, unibertsitateko ikasketak amaitu eta maila goreneko lehian jarduteko denbora gehiago atera zuenean.

Bergen-en (Norvegia) eta Singapurren jokatutako 2004ko eta 2011ko Munduko Txapelketetan irabazi zituen brontzezko dominekin batera, piraguista bizkaitarrak laugarren postua lortu zuen Tremolat-en (Frantzia) 2006an, bi bosgarren postu 2002an eta 2008an, eta seigarren eta hamabigarren postuen artean sailkatu da munduko txapelketaren beste bost ediziotan. Oklahoma-n (AEB) antolatutako 2014ko Munduko Txapelketan izan zuen azken partehartzea, eta ontziaren gila apurtuta, norgehiagokatik erretiratu behar izan zuen.

Europako txapelketei dagokienez, zilarrezko domina lortu zuen Txekian 2005ean, eta bi brontzezko domina Eslovakian eta Frantzian jokatutako 2007ko eta 2011ko edizioetan. Horrez gain, bi bosgarren postu lortu zituen Hungariako 2001eko eta Poloniako 2003ko Europako txapelketetan. Getxoztarraren nazioarteko palmares bikaina osatzeko, Munduko Kopako probetan irabazitako bost dominak (urrezkoa 2001ean, zilarrezkoa 2004an eta 2008an, eta brontzezkoa 2002an eta 2010ean) eta lehiaketa beraren 2006ko edizioan lortutako laugarren postua nabarmendu behar dira. Urrezko domina ere lortu zuen Gijonen 2005ean, Ur-Joko Interzeltikoetan Euskadiko ordezkari gisa parte hartu zuenean.

Hitzak
Agurraren unean, piraguista bizkaitarrak azken urtean bizitako une kritikoek erretiroa hartzeko erabakia azkartu dutela aitortu du: “Bigarren haurdunaldiaren ondoren Mundialerako txartela lortu nuen baina proban bertan lema hautsi nuen fabrikazio akats baten ondorioz eta lorpen guztien atarian gertu nintzen, oso zapore mikatzarekin gauza asko utzi bainituen bidean; nire ingurukoen babesarekin hasi nuen denboraldia berriz, eta orain hilabete terdi Espainiako txapelketan (Mundialerako sailkapena eman zezakeena), nire ustez bidegabeko erabaki baten ondorioz kanporatu ninduten eta ez zidaten helegitea jartzeko aukerarik eman. Horrek erabat jota utzi ninduen, nahi eta abuztuan bigarren bat aukera eduki baldintza onekin.

Momentu kritikoak, lesioekin izandako esperientziak eta entrenamenduen gogortasuna alde batera utzita Naiarak bere ibilbidearen balorazio positibioa egin du, “oso harro nago egindakoaz, eta horrekin geratu nahi dut agur esaterakoan” . Zentzu horretan Naiarak azaldu duenez “piraguismoa kirola baino gehiago izan da niretzat, nire bizitza izan da” , eta eskerrak eman nahi izan die “lagundu didaten hainbati, beraiek emandako laguntza horri esker iritsi naiz iritsi naizen lekura, eta lehenik eta behin BASQUE TEAM-en lana eskertu nahi dut, Fundazioa bat baino gehiago nire etxea izan delako” . Bere ibilbidea errepasatzerakoan Naiarak azpimarratu nahi izan duenez “iristea ez da zailena, mantentzea baizik” eta zabaldutako baloreak emaitzen gainetik jarri nahi izan ditu gaurko agerraldian: “Neri kirola emaitzen gainetik dagoela erakutsi didate, iraunkorra izatea eta kirola bizitzeko era bat dela ere ikasi dut, eta bertan diziplina, zintzotasuna eta laguntza ematen duenarekin esker onekoa izatea lehenetsi behar direla.

Naiara Gomezek hainbat urtetan bere kirola izandako piraguismoarentzat ere izan ditu hitzak: “Sakrifizio gehien eskatzen duen kiroletako bat, baina badauka harrapatzen zaituen zerbait eta nik asko daukat eskertzeko; Nire seme-alabek ere piraguismoarekin gozatzea nahiko nuke, nik beste ahal izan ezkero, batez ere gauzak ondo ateratzen direnean dituzun sentsazio bikainak izan ditzaten. Dena dela nik jarraituko dut piraguarekin ateratzen, maite dudalako eta deskonektatzeko aukera ematen didalako era berean. Azkenik Naiarak bere familiak emandako babesa eskertu nahi izan du: “Beraiek ere sakrifizio ugari egin dituzte, eta gozatzeko unea heldu zaie” 

Naiara Gómez 39 urteko piraguistak azken urteotako kirol karrera bikainari amaiera ematea erabaki du, nazioarteko lehian 14 denboraldiko ibilbide luzea egin ondoren eta 2004ko eta 2011ko Munduko Txapelketetan lortutako bi brontzezko domina eta beste hainbat sari irabaziak dituela.

Getxoztarra maratoian nabarmendu da, kirol modalitate honi dagozkion gogortasuna, distantzia luzeak eta zenbait ibilbide-zatitan palei eragiteaz gain piragua soinean eraman beharra aisa asko gainditu dituelarik. Banakako (K1) nahiz binakako (K2) norgehiagoketan lehiatu da, baina binakakoa izan da garaipenik gogoangarrienak eman dizkiona. Naiarak, gainera, ezin hobeto frogatu du, unibertsitateako ikasketak, amatasuna eta maila goreneko lehia bateragarriak direla, izan ere, Jarduera Fisikoaren eta Kirolaren Zientzietako lizentziaduna eta goi mailako kirol errendimenduko Master baten jabea izateaz gain, bi aldiz ama izan baita, 2009an eta 2013an.

Getxo Kayak Piraguismo Taldeko kidea izanik, 10 urte baino ez zituen kirol honetan trebatzen hasi zenean, baina nazioarteko lehiaketetara 25 urte zituela iritsi zen, unibertsitateko ikasketak amaitu eta maila goreneko lehian jarduteko denbora gehiago atera zuenean.

Bergen-en (Norvegia) eta Singapurren jokatutako 2004ko eta 2011ko Munduko Txapelketetan irabazi zituen brontzezko dominekin batera, piraguista bizkaitarrak laugarren postua lortu zuen Tremolat-en (Frantzia) 2006an, bi bosgarren postu 2002an eta 2008an, eta seigarren eta hamabigarren postuen artean sailkatu da munduko txapelketaren beste bost ediziotan. Oklahoma-n (AEB) antolatutako 2014ko Munduko Txapelketan izan zuen azken partehartzea, eta ontziaren gila apurtuta, norgehiagokatik erretiratu behar izan zuen.

Europako txapelketei dagokienez, zilarrezko domina lortu zuen Txekian 2005ean, eta bi brontzezko domina Eslovakian eta Frantzian jokatutako 2007ko eta 2011ko edizioetan. Horrez gain, bi bosgarren postu lortu zituen Hungariako 2001eko eta Poloniako 2003ko Europako txapelketetan. Getxoztarraren nazioarteko palmares bikaina osatzeko, Munduko Kopako probetan irabazitako bost dominak (urrezkoa 2001ean, zilarrezkoa 2004an eta 2008an, eta brontzezkoa 2002an eta 2010ean) eta lehiaketa beraren 2006ko edizioan lortutako laugarren postua nabarmendu behar dira.