basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu

Eneko Llanos (enbaxadorea)

Eneko Llanos edit 2
Triatloia
Jatorria Gasteiz
Bizilekua Gasteiz
Jaiotza 30-11-1976
Kirola Triatloia

Bio

Eneko Llanos triatloiaren erreferente handienetako bat da estatu mailan, eta baita nazioarte mailan ere. 2018ko azaroan Arizonako Ironmanean, 42 urterekin, lortutako garaipenaren ondoren, horrelako probetan garaipen gehien lortu dituen estatuko kirolaria da. Zazpi garaipen lortu ditu Ironman probetan.

Iraupen luzeko lasterketak dira bere espezialitatea, nahiz eta distantzia olinpikoan ere arrakasta lortu duen. 10 onenen artean bukatu du hiru aldiz Hawaiiko Ironmanean, eta behin izan da txapeldunorde. 2006tik 2017ra etenik gabe lehiatu zen han, eta Arizonako Ironmanean lortutako garaipenari esker, 2019an Konan ere lehiatu zen.
Duela 20 urtetik obo-lakto-begetarianoa da.

Txikitatik kirol asko eta askotarikoak egin zituen, eta hiru urte besterik ez zituela Gasteiz inguruko mendietan ibiltzen zen bere guraso eta anaiekin batera: kirol anitza ohikoa zen berarentzat. Igeriketa hamahiru urte bete arte praktikatu zuen, baina berea ez zela ikusita, utzi eta esku pilotarekin eta eskaladarekin probatu zuen. Triatloiarekin izan zuen lehen kontaktua bere anaia Hektorri esker izan zen. 92an Enekok bere lehen duatloian parte hartu zuen eta 93an euskal zirkuituan lehiatu zen, bai duatloian, bai triatloian.

Lehen emaitza garrantzitsuak 95. urte aldera etorri ziren. Junior mailan, triatloiko Espainiako Txapelketa irabaztea lortu zuen, eta, gainera, elite gisa Munduko Koparen batean parte hartu zuen. Urte horretatik aurrera triatloian aritu zen profesionalki, Europako eta Munduko Kopetan parte hartuz. Espainiako hainbat txapelketek urte horietako bere palmaresa handitu zuten, baita nazioarteko emaitza on batzuek ere.
2000. urtean mantendu zuen erregulartasunari esker lortu zuen Sydneyko Jokoetan parte hartzeko txartela, eta horietan 23. postuan amaitu zuen. Emaitzak ez zuen gustura utzi baina esperientzia ikaragarria suposatu zuen.

Ondorengo urteak bereziki onak izan ziren: Espainiako olinpiar txapelketan, Xterrako munduko txapelketan … eta berriro beste Olinpiar Joko batzuk jokatzeko txartela. Atenasen hogeigarren izan zen.

Joko horien ondoren Ironmanera dedikatu zen. Hastapenak ez ziren oso oparoak izan, baina martxa hartu zuen, Hawaiiko proban bere lehen parte hartzean bosgarren izateko. 2007an berriro errepikatu zuen, zazpigarren geratu zen eta 2008an, berriz, txapeldunorde izan zen. 2015ean zazpigarren izan zen, 2016an hogeita zazpigarren eta 2017an hogeita laugarren. 2018an Eneko Konan hamahirugarren aldiz jarraian egoteko borrokatu zen, Hegoafrikako eta Nizako Ironmanak lehiatuz, baina ezin izan zuen sailkapena lortu. 2019an Konan lehiatuko da berriro.

Enekok Gasteizen jarraitzen du bizitzen, eta han dena dauka entrenatzeko, errepide askotarikoak eta trafikorik gabekoak eta lasterka egiteko pista eta bideen kilometroak eta kilometroak, aspertu arte, kirolaren hiria deitzen baitiote Gasteizi. Neguan, hotzak estutzen duenean, Lanzarotera joaten da klima onaren bila.

Bere tarte libreetan kirolari lotuta jarraitzen du, surfa eta mendia maite ditu eta.
Oso bizirik mantentzen du bere kirolarenganako ilusioa, eta, bere urteko helburu nagusia, Hawaiiko Ironmana, baztertu gabe, edozein modalitate eta distantziatan parte hartzen du: triatloi cross, distantzia olinpikoa, Xterra, olinpiko bikoitza … izan ere, lehiaketa bakoitza erronka pertsonal gisa planteatzen du eta gainera disfrutatzen saiatzen da.

Palmaresa

23
uztaila
2017
Triatloia

Eneko Llanos laugarren izan da Nizako Ironmanean

Austriako Ironmanean bigarren postua erdietsi eta gero, gaur Eneko Llanosek laugarren tokian bukatu du Nizako Ironmanean, beroak eta eguzkiak baldintzatutako jardunaldian. Denis Chervot frantziarra lehenengoa izan da 3,8 kilometroko igeriketako tartean, Etienne Diemunch (10 segundora) eta Frederick Van Lierderen (16 segundora) aurretik. Eneko Llanosek erritmo onean burutu du tartea eta 1:39ra irten da uretatik. Txirrindularitzako […]

03
uztaila
2017
Triatloia

Eneko Llanos, bigarren Austriako Ironmanean

Eneko Llanos bere maila onenera itzuli da. Denboraldi honetan martxan hastea asko kosta zaio eta orain arte sabeleko arazoek Hawaiiko Ironmanera bueltatzeko bidea oztopatu diote, baina Austriako Ironmanean lortutako bigarren postuak bultzada eman dio. Proba sentsazio onekin bukatu du gasteiztarrak. Jan Frodeno alemana baino ez da Llanosen aurretik helmugaratu. Alemaniarra jaun eta jabe izan da […]