basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu

Garazi Sanchez

Garazi Sanchez edit
Surfa
Jatorria Getxo
Bizilekua Getxo
Jaiotza 1992-02-17
Kirola Surfa

Bio

Bere gurasoei kirola eta naturan egindako jarduerak betidanik gustatu izan zaizkie eta Garazik bizitza estilo hori bereganatu du haurtzarotik. Bere aitak kayak surfa praktikatzen zuen Lagako hondartzan, eta berak eta bere ahizpak itsasertzean denbora asko ematen zuten buggy batekin jolasean. Garazi Sanchez zazpi urterekin hasi zen surfean, bera joaten zen hondartzan mitikoa zen surflari baten Hang Ten taula batekin. Familiak badu oraindik taula hori tratelekuan eta Garazik dio batzuetan oraindik berarekin surfeatzen saiatzen dela, kostata lortzen duen arren.

Afizioa, beraz, ogibide bilakatzen joan zen eta gaur egun kirol honen alde erromantikoa alde lehiakorrarekin uztartzen du. WQS zirkuituan lehiatzen da eta surfeko Munduko gorengo mailara iristearekin egiten du amets, baita 2020an olinpiko izatearekin ere. Tokioko Jokoetan lehen aldiz sartuko da surfa programa olinpikoan.

Surfak hasieratik harrapatu zuen: “Zure gorputzako atal asko kontrolatu behar dituzu eta oso adi egon behar duzu. Zoritxarrez oso oso gutxitan lortzen da beharrezkoa den arreta maila. Surfa horretara behartzen zaitu, itsasoa mugitzen delako, eta egoera horretan zure gorputza kontrolatu behar duzulako. Horregatik askotan yogarekin konparatzen da, arreta hori behar duzulako, arnasa kontrolatu behar duzulako, besoak… Edo hor zaude edo jausten zara. Harrapatzen zaitu.” dio Garazik.

Kirol karrera enpresaritzako ikasketekin bateratzen du Garazik.

Palmaresa

30
azaroa
2018
Surfa

“Profesional bilakatzen ari zarela sentitzeak konfiantza ematen dizu”

Garazi Sanchez surflariak aurten lehen aldiz lortu du Basque Teamen beka. Europako zerrendan hirugarren postuan zegoen baina lesio bategatik ezin izan zuen esperotako errendimendua izan Munduko txapelketan. Bizkaitarrarekin egon gara eta denboraldiaren balantzea egin digu. “Kirolari guztien amets txarrena lesionatuta egotea izan daiteke eta niretzako urteko momenturik txarrenean izan zen niretzako Mundiala eta parte horretatik […]