basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu

Lucas Eguibar

Lucas edit
Snowboard-a
Jatorria Donostia
Bizilekua Donostia
Jaiotza 1994-02-09
Kirola Snowboard-a

Bio

Gurasoen eskutik hasi zen eskiatzen, 2 urte zituela, eta 5 urterekin eski alpinoan lehiatzeari ekin zion. Prestatzen ari zen bitartean, snowboard-a gustoko zuenaz konturatu zen eta 7 urterekin kirol horretan saiatzea erabaki, eta ama izan zuen irakasle. 15 urte bete arte eskiarekin jarraitu zuen, baina orduan Espainiako snowboard txapelketetara aurkeztu zen eta oso emaitza onak lortu zituen. Horiei esker proba egiteko eta boardercross-eko talde nazionalarekin entrenatzeko deitu zioten. Modalitate honetaz maitemindu zen eta ondo prestatzeko denbora asko eskainiko ziola erabaki zuen berehala, lehenengo emaitzak bikainak izan ez arren.

2012an Europako zirkuitua irabazi zuen eta 2013an Munduko Kopan lehenengo podiuma lortu zuen, Arosako estazioan, Suitzan, hirugarren bukatuta, eta munduko txapelduna izan zen junior mailan Turkian.

2014an zortzigarren izan zen munduko zerrendan, Vallnord-en, Andorran, Munduko Kopako bigarren podiuma eskuratuta. Gainera Valmalenco-ko estazio italiarrean munduko txapeldunordea izan zen junior mailan.

Lucasen bizitzak aldaketa izan zuen Errusiako hitzordu olinpikoa heldu aurretik. Bere anaia Nicolasek, 24 urterekin, moto istripu bat izan zuen eta lesio larriak eragin zizkion. Dena den, Lucasek une latza gainditu zuen eta Jokoak prestatzeko zuen plangintzara itzuli zen, saio kopurua handitu, eta forma fisikoa berreskuratu zuen.

Azkenean diploma lortu zuen zazpigarren postuan amaituta Sotxin, bere lehenengoOlinpiar Jokoetan. Final zortzirenetako txanda eta final laurdenetakoa irabazi zituen baina finalerdietan talka egin zuen eta erorikoak finaletik kanpo utzi zuen. Bigarren mailako finala irabazi zuen eta horrekin batera diploma, agian sari txikia jokatutakolau lasterketatik hiru bereganatu eta gero.

2015ean snowboard-eko Munduko Kopako txapeldun izan zen. Donostiarrak Nazioarteko Eski Federazioak eskaintzen duen Kristalezko Globoa eskuratu zuen lehen aldiz estatu mailan. Kontxako badian jaio eta hasitako ‘rider’ donostiarra bere aurkari guztiak mendean hartzeko gai izan zen, elurretan entrenatzeko muga geografikoak dituen arren.

Azkenean diploma lortu zuen zazpigarren postuan amaituta Sotxin, bere lehenengo Olinpiar Jokoetan. Final zortzirenetako txanda eta final laurdenetakoa irabazi zituen baina finalerdietan talka egin zuen eta erorikoak finaletik kanpo utzi zuen. Bigarren mailako finala irabazi zuen eta horrekin batera diploma, agian sari txikia jokatutako lau lasterketatik hiru bereganatu eta gero.

Bi urte geroago, 2017ko Sierra Nevadako Munduko txapelketan zilarezko bi domina irabazi zituen snowboardcrossean; bat banaka eta bestea taldeka. Balentria harek neguko kiroletan aitzindarien taldean sartu zuen Lucas, beste lau kirolarik baino ez baitute domina bat lortu munduko txapelketaren batean: Paquito Fernández Ochoak, Martí Rafelek, Juanito Mühleggek eta Queralt Castelletek.

Eguibarrek aitortzen du kirolari batengan bi persona daudela: normala eta lehiatzen dena. Pertsona normala bere kasuan lasaia da: “Lotsatia nazela esaten dute, baina isilik egotea gustatzen zait, besterik ez. Isiltasuna dut gogoko eta disfrutatu egiten dut”. Lehiatzen dena, berriz, lasaia eta urduria da aldi berean, arduratsua eta azkarra: “Lehiaketa baino ez dut buruan”. Elementu anarkikoak dituen diziplina honetan 95km/orduko abiadura hartu ahal dute kirolariek eta burbuila batean sartzen dira. Munduko txapelketako bakarkako proban ez zuen zaleen zarata entzun taula kendu zuen arte.

Munduko txapelketan zilarrak irabazi eta bi egunetara, Israel Planas bere teknikaria zendu zen 41 urte zituela.

2018an, Pyeongchangen Jokoetan parte hartzeko txartela lortu zuen. Oraingoan ez zituen final-zortzirenak gainditu.

2019an bere emaitzarik nabarmenena Park Cityn (AEB) jokatutako Munduko Txapelketan lortutako laugarren postua izan zen. Laugarren ere izan zen Munduko Kopako sailkapen nagusian.

2020an, koronabirusaren pandemiak bere denboraldia murriztu duen arren, Lucas Eguibarrek Sierra Nevadako Munduko Kopa irabazi du.

Palmaresa

Brontzezkoa Arosako Munduko Kopa 2013
Zilarrezkoa Vallnord-Arcalíseko Munduko Kopa (Andorra) 2014
Zilarrezkoa Veysonnaz-eko Munduko Kopa (Suiza) 2015
Brontzezkoa Sunny Valley-eko Munduko Kopa (Errusia) 2016
Brontzezkoa Baqueira-Beret-eko Munduko Kopa (Espainia) 2016
Zilarrezkoa Feldberg-eko Munduko Kopa (Alemania) 2017
Zilarrezkoa Sierra Nevadako Munduko txapelketa (bakarka) 2017
Zilarrezkoa Sierra Nevadako Munduko txapelketa (taldeka) 2017
Sotxiko Olinpiar Jokoak 2014
07
martxoa
2020
Albisteak

Basque Teameko Lucas Eguibar snowboardlaria erraz nagusitu da Sierra Nevadako Munduko Kopan

Atzoko saioa bertan behera uztera behartu zuen haize bortitzak, baina gaur eguraldiak ezin izan du Lucas Eguibarrekin. Basque Teameko snowboarderrak irabazi du Sierra Nevadan jokatu den boardercrosseko Munduko Kopako proba. Lehenengoa izan da kalifikazio txandan eta gero serie guztietan irabazi du. Finalean Alessandro Haemmerle austriarra eta Peter Berg alemaniarra gainditu ditu. Jardunaldia sailkatze txandarekin hasi […]

28
martxoa
2019
Albisteak

“Uste dut datorren urtea oso ona izan daitekeela”

Denboraldi nahiko irregularra eduki duen arren, Basque Teameko Lucas Eguibar snowboardlariak laugarren bukatu du Munduko Kopako sailkapen nagusian eta Munduko txapelketan. Askoren esku ez dauden emaitzak dira hauek. Donostiarrarekin izan gara denboraldiaren balantzea egiteko. Asteburu honetan Sierra Nevadan jokatuko du Espainiako txapelketa. “Baqueirako Munduko Kopan zapore garratza geratu zitzaidan asteburu osoan ondo ibili arren, azkenean […]

16
martxoa
2019
Albisteak

Basque Teameko Lucas Eguibar snowboardlariak garaipena lortu du Veyssonazen

Lucas Eguibarrek orain dela hamabost egun Baqueira Bereten izandako erorikoaren arantzatxoa atera du gaur Veysonnazeko Munduko Kopan garaipena erdietsita. Donostiarra erraz nagusitu da bertan. Dagoeneko bost aldiz igo da podiumera estazio honetan. Gaur lortutako garaipenari esker Lucas Eguibarrek laugarren postuan bukatu du Munduko zirkuitua. Gogoratu behar da gipuzkoarra laugarren ere izan zela otsailean jokatutako Park […]

02
otsaila
2019
Snowboard-a

Lucas Eguibarrek laugarren bukatu du Park Cityko Munduko txapelketa

Sierra Nevadako Munduko txapelketa arrakastatsuetan Basque Teameko kirolaria azpitxapeldun izan zen bai banaka eta bai taldeka snowboardcross kategorian, eta gaur donostiarra podiumetik oso gertu geratu da, Utah-n, Estatu Batuetan, jokatzen ari diren Munduko txapelketan. Sailkapen txandan laugarren bukatu eta gero, Lucasek adierazi zuen ibilbidea “irteeran oso teknikoa eta gero oso azkarra” zela. Horrez gain, donostiarrak […]

18
martxoa
2018
Snowboard-a

Lucas Eguibarrek brontzea irabazi du bakarka eta zilarra taldeka Veysonnazeko Munduko Kopan

Basque Teameko riderrak ez du hutsik egin eta berriz ere erakutsi du estazio suitzarra gogoko duela. Euskal snowboardlaria podiumera igo zen han 2015ean eta 2016an eta atzo gogor borrokatu zen lehen onenen artean bukatzeko bakarkako lehiaketan, baldintzak ez baitziren egokienak izan elurte baten ondorioz. Emaitza honen ondoren, Eguibarrek Munduko Kopako sailkapen nagusian seigarren postuan amaitu […]

15
otsaila
2018
Snowboard-a

Elkarrizketa Lucas Eguibarrekin Pyeongchangeko Jokoetan parte hartu eta gero

Basque Teameko Lucas Eguibar elkarrizketatu dugu Phoenix Park estazioan Pyeongchangeko Olinpiar Jokoetako snowboardcrosseko proban parte hartu eta gero. Donostiarra final zortzirenetan txapelketatik at geratu da, eroriko baten ondoren.