basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu

Maialen Chourraut

Piraguismoa
Jatorria Lasarte-Oria
Bizilekua La Seu d'Urgell
Jaiotza 08/03/1983
Kirola Piraguismoa

Bio

12 urte zituela, 1995ean, hasi zen piraguismoan Atletico San Sebastian klubean. Bratislavako Munduko Junior txapelketan parte hartzeko deitu zioten lehenengoz Espainiako selekziotik, 2000. urtean. 2001ean, oraindik juniorra zela, selekzio nagusian sartu zuten, eta harrezkeroztik bertako kide da. 2004an lortu zuen nazioarte mailako lehen domina (Europako txapelunorde 23 urtez azpikoen mailan). Handik bi astera ezker sorbaldako ebakuntza egin zioten birritan atera zitzaiolako. Sei hilabetera, Europako txapelketako bezperan eskuineko sorbalda atera zuen berriz eta berriro ebakuntza egin behar izan zioten. 2008an Beijingo Olinpiar Jokoetan parte hartu zuen, hamaseigarren bukatuta. 2009an Munduko txapelunorde izan zen, eta handik aurrera, munduko lehen bosten artean egonkortu zen. 2011n Munduko txapelketan brontzea irabazi zuen, eta 2012 oparo bati Londresko Olinpiar Jokoetan eman zion errematea brontzezko domina kolkoratuz. 2013ko maiatzean Ane alaba jaio zen. 2014an, berriro lehiaketetara itzuli zen, eta nazioarte mailako dominak pilatzen jarraitu zuen: Europako txapelunorde taldeka eta La Seu d’Urgell-eko Munduko Kopan irabazle.

2015ean, nazioarteko egutegiari Europako txapelketa irabaziz ekin zion, Munduko rankingeko hirugarren postuan jarriz, eta garrantzitsuena, olinpiar txartela eskuratuz. Rioko Olinpiar Jokoetan hainbeste desiratutako urrezko domina irabazi zuen. Orain 2020ko Tokioko Olinpiar Jokoetan du jomuga.

Arrakasta handiaren ondoren hurrengo ziklo olinpikoaren hasiera gogorra izan zen lesioengatik, batez ere lehen bi urteetan; dena den, aipagarriak dira 2017an Taceneko Europako txapelketan taldeka erdietsitako zilarra eta 2018an Pragako Europako txapelketan banaka lortutako 4. postua.

2019ko Munduko Txapelketa Seu d ‘Urgellen jokatu zen eta hurrengo Olinpiar Jokoetan parte hartzeko txartela eman zion. Orain hitzordu horretan du jomuga, Tokyo 2020an, eta denboraldi osoa emango du arreta handiz prestatzen, hirugarren aldiz igo nahi baitu olinpiar podiumera.

Palmaresa

Brontzezkoa London Olinpiar Jokoak K1 2012
16º Beijing Olinpiar Jokoak K1 2008
Munduko Txapelketa K1 2015
Brontzezkoa Munduko Txapelketa K1 2013
Zilarrezkoa Munduko Txapelketa K1 2009
Urrezkoa Europako Txapelketa K1 2015
Europako Txapelketa K1 2009
Zilarrezkoa Europako Txapelketa taldeka K1 2014
Urrezkoa Munduko Kopa K1 Krakow 2015
Urrezkoa Munduko Kopa K1 La Seu d'Urgell 2014
Urrezkoa Munduko Kopa K1Cardif 2012
Urrezkoa Munduko Kopa K1 Pau 2012
Urrezkoa Munduko Kopa K1 La Seu d'Urgell 2010
16
maiatza
2024
Piraguismoa

Maialen Chourraut buru duen eslalom-piraguismoko taldea da ‘BAT To Paris’ saioaren laugarren ataleko protagonista

Dokumental saila osatzen duten 10 kapituluak igande goizetan eskaintzen dira ETB1eko ‘Helmuga’ programan (11:30) Aste honetan, Basque Team Fundazioak bultzatutako ‘BAT To Paris’ telesailak eslalom-piraguismoa izango du protagonista, ‘Motibazioak bere horretan dirau’ izeneko atalean. Hiru domina olinpiko, 2012ko Londresko brontzea, 2016ko Rioko urrea eta 2021eko Tokioko zilarra irabazi ondoren, Maialen Chourrautek ilusio eta garaipen gogo berarekin jarraitzen du. […]

21
azaroa
2023
Piraguismoa

Maialen Chourraut piraguista protagonista izango da asteburu honetako “Geldiezinak” telesailaren atalean

Dokumental sorta osatzen duten 12 atalak igande goizez izango dira ikusgai ETB1eko “Helmuga” saioan (11:30) Aste honetan, Eusko Jaurlaritzako Jarduera Fisikoaren eta Kirolaren Zuzendaritzak eta Basque Team Fundazioak bultzatutako programa Maialen Chourrauti eskainiko zaio, “Jokoen euskal erregina” izeneko kapituluarekin. Palmaresari dagokionez, piraguista honek ez du parekorik Euskal Herrian. Hiru domina olinpiar tarteko (brontzea Londresen 2012an, […]

24
iraila
2023
Piraguismoa

Maialen Chourrautek seigarren postuan bukatu du kayak kroseko lehia Lee Valleyko Munduko Txapelketan

Maialen Chourraut Basque Teameko piraguistak seigarren amaitu du Munduko txapelketan jokatu den modalitaterik muturrekoena, lehen aldiz olinpikoa izango dena 2024ko Parisko Jokoetan. Lasartekoa izan da kanporaketa fasera sartu den euskal ordezkari bakarra. Maialenek hamargarren bukatu du kronometratutako txanda, 82.38ko denborarekin, eta 3.58 segundora azkarrena izan den Camille Bilent frantziarrarekiko. Lau txandatan jokatzen diren kanporaketetara pasatzen […]

21
iraila
2023
Piraguismoa

Maialen Chourrautek eta Pau Echanizek Lee Valleyko Munduko Txapelketako finalerdietarako txartela lortu dute

Olatz Arreguik ezin izan du sailkapen kanporaketa gainditu Maialen Chourrautek eta Pau Echanizek eslalom piraguismoko Lee Valleyko Munduko txapelketako finalerdietarako txartela lortu dute gaur, kayaken banakako lehen jardunaldian. Hiru domina olinpiko dituen palistak argi du zein den bere helburua Munduko txapelketa honetan; hau da, 2024ko Pariseko Jokoetarako plaza bat lortzea, horregatik ez du aukera galdu […]

19
iraila
2023
Piraguismoa

Maialen Chourraut eta Olatz Arregui piraguistek zilarra lortu dute Laia Sorribesekin batera Lee Valleyko Munduko Txapelketako taldekakoan

Maialen Chourraut hiru domina olinpikoren jabeak eta Olatz Arreguik, (biak Basque Team Fundazioaren aldeko bekadunak), podiumeko bigarren tokira igo dira Laia Sorribesekin batera, gaur Lee Valleyn (Ingalaterra) hasi den eslalon piraguismoko Munduko Txapelketako kayakeko patruilen proban. Lehiaketako lehen jardunaldia taldekako probei eskainita egon da, eta ez da batere gaizki joan euskal palistentzat. Maialen Chourrautek, Olatz […]

01
uztaila
2023
Piraguismoa

Maialen Chourrautek hirugarren denborarik onena lortu du kayak crosseko erlojupekoan eta biharko kanporaketetan sartu da

Miren Lazkanok, Olatz Arreguik eta Pau Echanizek ez dute txartela lortu Krakovian denboraldiko unerik gozoena bizi ez arren, Maialen Chourrautek hirugarren denborarik onena egin du kayak crosseko txanda kronometratuan, bihar nor lehiatuko den eta modalitate horretako kanporaketen egitura zein izango den erabakitzen duen saioan. Maialen Chourrautek eskimotaje, erremonte eta ateez osatutako zirkuitua egiteko 67.99ko denbora […]