basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu

Richard Oribe (enbaxadorea)

0_RichardOribe.jpg
Igeriketa
Jatorria Donostia
Bizilekua Donostia
Jaiotza 22/02/1974
Kirola Igeriketa

Bio

Donostian jaio zen 1974ko otsailaren 22an. Estatuan zein nazioartean palmares handiena duen garun-paralisi igerilaria da.

Azpimarratzekoa da sei Paralinpiar Jokotan parte hartu zuela: Bartzelona 92, Atlanta 96, Sydney 2000, Atenas 2004, Beijing 2008 eta Londres 2012.

Paralinpiar Jokoetan 16 domina lortu ditu; 8 urre, 6 plata eta 2 brontze; beraz, munduko palmaresik onena du garun paralisia duten igerilarien artean.

Gainera, 6 Munduko txapelketatan parte hartu du, 22 domina lortuz; 12 Oros, 7 plata eta 3 brontze. 48 aldiz gainditu ditu munduko errekor ezberdinak estilo libreko 50, 100, 200 eta 400 metrotan.

Parte hartu duen Europako 7 txapelketetan 28 domina lortu ditu: 22 urre eta 6 plata.

Guztira 140 domina lortu ditu nazioarteko lehiaketetan.

Bere kirol ibilbide emankorra alde batera utzita, Richard Oribe bere giza kalitateagatik nabarmentzen da, honegatik sari ugari jaso dituelarik:

2007an, Donostiako Udalak herritarren merezimenduaren domina eman zion.
2009an jaun ospetsu titulua eta kirol-merezimenduaren urrezko domina eman zitzaizkion.
2011n, Lausannen, Suitzan, “Joko garbiaren” ibilbideari saria eman zitzaion.
2011n, Ramon Rubial fundazioak euskal kirolariari oneraren saria eman zion.
2018an Urrezko tanborra eman zioten.
Gainera, erakundeek eta prentsak hainbat sari eta aintzatespen eman dizkiote euskal eta gipuzkoar kirolari onenari.

Richardek atletismoa, txirrindularitza eta futbola bezalako kirolak egin ditu, eta prentsa, irrati eta telebista bidez erregulartasunez jarraitzen ditu diziplina gehientsuenak.

Bere kirol idoloen artean daude Realeko futbol taldea, Bera Berako emakumezkoen eskubaloi taldea, Bardulia IKT taldeko eta Bidasoa XXI taldeko igerilariak, Mireia Belmonte eta Michael Phelps igerilari ospetsuak, eta Valentino Rossi eta Dani Pedrosa moto gidariak.

Bere zaletasunen artean musika ere badago. Bere musika gogokoenaren artean Michael Telo “ai se eu pego”, El Dj David Guetta, Danza Kuduro, Juan Magan eta Pittbull nabarmentzen dira eta batzuetan entrenamenduan motibatzeko erabiltzen ditu. Informatika zalea ere bada, bere entrenamenduen kontrol zorrotza darama ordenagailuz, eta Interneten nabigatzea gustatzen zaio.

Goi mailako kirolean aritzen zenean, Richardek 2 eta 6 ordu bitartean entrenatzen zuen egunero, denboraldiaren unearen arabera, gimnasio eta igerileku saioak eginez. Richardek astean sei edo zazpi egunetan entrenatzen zuen, eta 15 saio ere egitera heldu zen (12 igerilekuan eta 3 eta 5 gimnasioan). 1998 – 1999 denboraldiaz geroztik Donostiako Konporta Kirol Elkartean entrenatu zuen Javier de Aymerichen zuzendaritzapean. Gaur egun klubari lotuta jarraitzen du, orain haurrei eskolak ematen.

Palmaresa

º Bartzelona Joko Paralinpiarrak 1992
º Atlanta Joko Paralinpiarrak 1996
º Sidney Joko Paralinpiarrak 2000
º Athens Joko Paralinpiarrak 2004
º Beijing Joko Paralinpiarrak 2008
º London Joko Paralinpiarrak 2012
º Munduko txapelketetan 6 partaidetza
º 16 domina paralinpiar
º 22 domina Munduko Txapelketetan
º 48 alditan hautsi du munduko errekorren bat
º 50m-ko igerilekuan 100, 200 eta 400 libreetako WR jabea
º 25m-ko igerilekuan 50, 100, 200 eta 400 libreetako WR jabea
º 141 domina nazioarteko lehiaketetan
08
maiatza
2016
Igeriketa

Richard Oribek ez du lortu Rioko Jokoetan parte hartzeko pasea baina omenaldi beroa jaso du Funchaleko Europako Txapelketan

Donostiarrak sorbalda minduta dauka eta seigarren izan da igeriketa egokituko Europeoan, era askeko 50 metroko finalean. Hori dela eta, ezin izan du sailkapena lortu Jokoetarako. Dena den, beste sari preziatuago bat irabazi du: jendearen miresmen eta maitasuna. Finalaren ostean, igerilekuan zeuden ikusleak zutik jarri dira Richardi agur esateko. Goi mailako igeriketari bere bizitzako 24 urte […]

14
apirila
2016
Igeriketa

Richard Oribe igerilaria protagonista izango da igandean Donostiako Giza Eskubideen XIV. Zinemaldian

Basque Teamen babesa duen ‘Richard Oribe, al otro lado de las medallas’ dokumentalak erakusten du Richard bere kirol ibilbidearen bukaeran dagoela eta kontatzen ditu haurtzarotik, terapia moduan kirola egiten hasi zenetik, izan dituen erronka guztiak Iñigo Asensiok zuzendu du dokumentala Korima Films, Akhonmedia eta Traolaren produkzioarekin eta EITBren laguntzarekin, eta pelikula BCN Sports Film Festival […]

@BSS_Fortuna Muy fuerte bss y SS a ver nos vemos pronto y no se COVID

0

@DonostiaPNV @BalonmaBeraBera Vamoooos ánima

0

@maitepenalopez @emeuskadi @EnekoGoia @LABORALkutxa @aitzibersanroma @Gipuzkoa @MarkelOlano Gracias a ti recibidas a veo fotos mojate 2020

1

@Muriellarrea Igualmente muchas gracias Estoy no sabía a ti sonpresa ella... De nada Estoy contento por venir

0

@HCFParalimpico @deportegob @_FEDPC_ @Paralimpicos Gracias de ti !!!! La vida apoyando mi trabajo muy duro coger co… https://t.co/ZxbV0vGP2a

0

@deportegob @Paralimpicos Dar de ti esta perfectamente todos medallas juego paralimpico 1992 (1996-2012) muy import… https://t.co/ic0O9GQlpc

0