Ander Elosegi piraguistari egindako elkarrizketa Seu d´Urgelleko Munduko txapelketan parte hartu aurretik
Ander Elosegi Basque Teameko palistak onartzen du aurtengo hitzorduetan, bai Munduko Kopetan eta bai Europako txapelketan, eroso sentitu dela uretan baina emaitzak ez direla izan berak espero bezain onak. Dena den, Seu d´Urgelleko Munduko txapelketara sentsazio onekin heldu da, fisikoki eta nabigazioari dagokionez ere. Munduko txapelketa honetan jokoan daude 2020ko Tokioko Jokoetarako plazak. Sailkatuz gero, Elosegiren laugarren Jokoak izango lirateke. C1 kategorian plaza eskuratzeaz gain, Irungo piraguistak bereganatu behar du plaza hori. Une honetan Miquel Trave, Daniel Perez eta Lluis Fernandez taldekideekiko puntuetan duen aldea edo abantaila nahiko handia da.