basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
CHANGWON - APRIL 29: Bronze medalist Juan Jose ARAMBURU of Spain competes in the Skeet Men Final at the Changwon International Shooting Range during Day 8 of the ISSF World Cup Rifle/Pistol/Shotgun on April 29, 2018 in Changwon, Republic of Korea. (Photo by Nicolo Zangirolami)
Tiro olinpikoa 29
apirila
2018

Brontzea ‘Kako’ Arambururentzat Koreako Munduko Kopan

Juan Jose ‘Kako’ Aramburuk brontzea eskuratu du Koreako Munduko Kopan, skeet modalitatean (plater-tiroketa). Onena izan zen lehen sailkapen txandan eta hirugarren bigarrenean. Finalean hirugarren postu horri eutsi dio, Vincent Hancock estatubatuarraren eta Gabriele Rossetti italiarraren atzetik amaituta.

Lehen sailkapen jardunaldian Irungo tiratzailea onena izan zen bi errondetan 25 plateretan asmatuta (50/50), Hancock amerikarrarekin eta Mikhail Sharapov errusiarrarekin berdinduz. Bigarren sailkapen txandan beste hiru erronda jokatu dituzte eta horietan ‘Kako’k 24, 25 eta 23 plater hautsi ditu hurrenez hurren.

Finalean 7 aldiz huts egin du eta 43 aldiz asmatu. Emaitza horrek bigarren postuan bukatu duen Gabriele Rossetti italiarraren (55 plater) eta urrea eraman duen Vincent Hancock estatubatuarraren atzetik (59 plater) utzi du Aramburu.

Lortutako emaitza garrantzitsua da leku berean jokatuko dutelako abuztuaren 31tik irailaren 15era Munduko txapelketa. ‘Kako’k baieztatu du lekua, Changwon hiri korearrean kokatutako tiro-eremua, egokia dela berarentzat.

Bere kirol ibilbidean nabarmenak dira 2008ko Beijingo Olinpiar Jokoetan zortzigarren postuagatik lortutako diploma, Londres 2012ko Olinpiar Jokoan izan zuen parte hartzea (23. amaitu zuen), 2011n Belgradeko Munduko Txapelketan erdietsitako urrezko domina, 2013an Abu Dhabiko Munduko Kopako proban irabazitako urrea eta urte berean Nikosiako Munduko Kopako proban lortutako brontzea.