basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
amador-granados-bronce
Txirrindularitza 11
iraila
2016

Amador Granadosek brontzea eskuratu du taldekako abiadura proban, Rioko Paralinpiar Jokoetan

Amador Granadosek, Eduardo Santas eta Alfonso Cabellorekin batera, brontzea eskuratu du Rioko pistako txirrindularitzako abiadurako taldekako proban. Paralinpiar Jokoetan estatu mailan proba honetan lortutako lehen domina izan da hau.

Granados, Santas eta Cabello dominen borrokarako sailkatu dira, taldekako abiadura probako kanporaketan Rioko belodromoan hiru itzuliak ematean hirugarren bukatu eta gero (C1-C5 klaseetan), 51’’011 denbora eginda.

Horrela, Jennifer Schublek, Joseph Berenyik eta Christopher Murphyk osatutako Estatu Batuetako taldearen kontra lehiatu dira brontzea lortzeko borrokan. Estatubatuarrek laugarren denborarik onena lortu zuten sailkapen fasean.

Une erabakigarrian Amadorren taldeak brontzea eskuratu du 50’’664 denborarekin. Amerikarrek 51’’’708 egin dute. Granadosek eman dio hasiera lasterketari, Santasek hartu du gero lekukoa eta Cabellok bukatu du 750 metroko proba.

Britainia Handiak lortu du urrezko domina (munduko errekorra hautsita) eta Txinak irabazi du zilarra.

Granadosek adierazi du Rio 2016koak agian bere azken Jokoak izango direla. “Dena den, nire lehen domina da. Egindako lan eta esfortzuaren truke jasotako saria. Nire taldekideei eskerrak eman nahi dizkiet, ez dudalako egin ahal nuen bezain ondo”, esan du Granadosek.

*Argazkia: Espainiako Paralinpiar Batzordea