basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Imagen229.jpg
Besteak 19
ekaina
2013

Paiju Peak espedizioa oinarrizko kanpalekura iritsi da bi eguneko ibilaldia burutu eta gero

Bihar bertan saiatuko dira Iñurrategi, Vallejo eta Zabalza aukeratutako bidea aztertzen

2013ko ekainaren 19a.- Gaur iritsi dira Alberto Iñurrategi, Juan Vallejo eta Mikel Zabalza oinarrizko kanpalekura eta bertatik behin bakarrik igo den 6.610 metroko Paiju Peak mendian bide berri bat zabaltzen saiatuko dira.

Bi jardunaldiko trekkinga burutu dute hiru mendizaleek, sei ordu eguneko, Askoleko herrixkatik egokitze fasea hasiko duten lautadara iritsi arte. Gaur jakitera eman digutenez arazorik gabe ibilaldia izan da (Islamabadetik Skardura behar izan zituzten 36 orduekin oso bestelako bidaia), garai honetan ohi denez beroa bidelagun izan dutelarik.

Igotzeko asmoa duten paretatik espero baino urrutiago ezarri behar izan dute oinarrizko kanpalekua, mendiaren magalean aurkitu dituzten beste guneak oso irregularrak edota urik gabekoak baitziren, Basque Teameko hirukoteak bertatik bertara egiaztatu duenez. Oztopo nagusia 1.500 metroko desnibela izango da lur malkartsu eta gorabeheratsuan , kontutan izanda igoera abiatzeko ekipamendu guztia eraman beharko dutela. Ezarri duten kanpalekuan ez dago estaldurarik eta oztopo honek espedizioaren berri emateko mugitzera behartuko ditu.

Dena dela mendizaleak gogotsu daude Paiju Peakeko igo gabeko hegoaldeko aurpegia gertutik aztertzeko gainean duten nekearen gainetik eta bihar bertan balizko bidearen ikuskapena egin nahi dute.

Basque Team taldea osatzen duen Iñurrategi, Vallejo eta Zabalza hirukoak zazpigarren egitasmoa izango du elkarrekin. 2009. urteaz geroztik, goi mailako hiru eskalatzaileok erronka ederrak hartu dituzte miran: Makalu, Hornbein, Broad Peak, Nuptse eta Antartikako zeharkaldia kometa bidez tiratutako lerekin. Aurrekoetan bezala BBK/Kutxabank-ek eta Naturgas-ek babestuko dute espedizioa.