basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Imagen100.jpg
Besteak 03
abendua
2010

Melbourneko Munduko Kopa eskuratu du Leire Olaberriak bi eguneko lan erregularra burutuz

BATeko txirrindulariak urrats garrantzitsua eman du Londres 2012ko Olinpiar Jokoei begira

Sasoi puntu bikainean dagoela erakutsi du beste behin Leire Olaberriak, oraingoan Munduko Kopako hastapeneko saioan. Melbournen (Australia) jokatu da lehendabiziko jardunaldia eta Leirek omnium-a irabazi du Tara Whiten kanadiarra eta Malgorzata Wojtira poloniarraren aurretik.

Lehen egunean lidertza eskuratu zuen Ikaztegietako txirrindulariak baina bigarrenean aurretik egindako lana borobildu du akats nabarmenik egin gabe. Jazparpenean espero baino gehiago sufritu du azken egunean baina ondoren, scratch-ean, urrats erabakiorra eman du hirugarren postuan sailkatuz eta aurkari zuzenei aurrea hartuz. Azken proba, 500 metroak, egoera ezinhobean korritu ditu Leirek, lau puntuko abantaila baitzeukan kanadiarrarekiko. Lasaitasuna eta lehen egunean pilatutako puntuak baliatuz ez du arazorik izan lidertza mantentzeko. Berriki europako txapelketa eskuratu eta gero Leire munduko onenen artean dagoela erakutsi du beste behin, Londres 2012ko hitzorduan egoteko urrats erabakiorra emanez.