basqueteam fomenta el deporte de alto nivel del País Vasco

Webgune honek berezko eta beste bitarteko batzuen Cookie-ak erabiltzen ditu informazioa jaso eta gure zerbitzuak hobetzeko. Nabigatzen jarraitzeak horien instalazioa onartzea dakar. Erabiltzaileak bere nabigatzailea konfiguratzeko aukera dauka, eta nahi izanez gero, bere disko gogorrean instalatzea ekidin dezake, horrek webgunean nabigatzeko arazoak sor ditzakeela aintzat hartu behar duen arren.

Onartu Nola konfiguratu
Imagen7.jpg
Besteak 15
martxoa
2010

Eneko eta Virginia Abu Dhabi-ko Triatloian

Eneko Llanos irabazle eta Virginia Berasategui hirugarren Abu Dhabiko triatloian

Ezin hobeto ekin diote denboraldiari Euskal triatletek. Nazioarte mailan onene artean daudela erakutsiz beste behin. Arabiar Emirerri Batuetako proban aukeratutako parte hartzaileak baino ez ziren egon, antolakuntzak gonbidapena luzatuta eta ondorioz punta puntako ikuskizuna bermatuz. Igeriketa saioan 3.000 metro, 200 kilometro bizikleta gainean eta 20 kilometroko lasterkaldia, hori zen bete beharreko lana. Oso antzera aritu ziren Eneko nahiz Virginia; uretan txukun, bizikletan zoragarri eta lasterkaldi saioan aurretik lortutako postu bikainei eutsiz.

Oso lan orekatua burutu zuen Eneko Llanosek, Abu Dhabiko etorbideetan barrena lider bezala sartuz eta erakustaldia helmugan borobilduz. Gasteiztarrak 53 segundoko aldea atera zion Dirk Bockel luxemburgotarrari eta minutu bat eta 30 segundokoa Rasmus Henning daniarrari. 6 ordu, 34 minutu eta 37 segundo behar izan zituen Enekok ibilbidea betetzeko, 30 gradu inguruko temperaturarekin.

Bestalde atzetik aurrera egin zuen Virginia Berasateguik proba berean, lortutako hirugarren postu bikaina bizikleta gainean egindako lanean oinarrituz. Julie Dibens eta Leanda Cave britaniarren atzetik helmugaratu zen triatleta bizkaitarra.

Astean zehar itzuliko dira euskadira bi kirolariak eta ostegunean egingo dute 2010 denboraldiaren aurkezpena BAT Basque Teamen eskutik.